ԲՆԱՊԱՀՊԱՆԱԿԱՆ ՊԵՏԱԿԱՆ ՏԵՍՉՈՒԹՅԱՆ ԿՐԿՆԱԿԻ ՍՏՈՒԳՄԱՆ ԱՐԴՅՈՒՆՔՈՒՄ «DENO GOLD MINING» ԸՆԿԵՐՈՒԹՅԱՆ ՏՈՒԳԱՆՔԸ ՀԱՋՈՂՎԵՑ ԿՐՃԱՏԵԼ 20 ԱՆԳԱՄ

ԲՆԱՊԱՀՊԱՆԱԿԱՆ ՊԵՏԱԿԱՆ ՏԵՍՉՈՒԹՅԱՆ ԿՐԿՆԱԿԻ ՍՏՈՒԳՄԱՆ ԱՐԴՅՈՒՆՔՈՒՄ «DENO GOLD MINING» ԸՆԿԵՐՈՒԹՅԱՆ ՏՈՒԳԱՆՔԸ ՀԱՋՈՂՎԵՑ ԿՐՃԱՏԵԼ 20 ԱՆԳԱՄ

ԷկոԼուր

ՀՀ բնապահպանության նախարարության բնապահպանական պետական տեսչության կրկնակի ստուգման արդյունքում «Deno Gold Mining» ընկերությանը հաջողվեց 300 միլիոն դրամից մինչեւ 12 միիլոն դրամ կրճատել տուգանքը, պնդում է  «Էկոլոգիական անվտանգության ապահովման եւ ժողովրդավարության զարգացման» ՀԿ-ն:

ՀՀ բնապահպանության նախարարության բնապահպանական պետական տեսչության նոր պետ Ալեքսանդր Սահակյանին ուղղված գրության մեջ (նամակ թիվ 011, 08.04.2010թ.) հասարակական կազմակերպությունը նշում է տեղի մամուլում 2008թ. Սյունիքի բնապահպանական պետական տեսչության հրապարակային ելույթները: Ելույթներում Սյունիքի բնապահպանական պետական տեսչության ներկայացուցիչները խոսում էին «Deno Gold Mining» ընկերության 2007թ. ստուգումների մասին, որոնց ընթացքում հայտնաբերվել էին հանքօգտագործման մի շարք խախտումներ: Նաեւ տեղեկատվություն եղավ ընկերության տուգանքի չափի մասին` ավելի քան 300 միլիոն դրամ, այսինքն` ապօրինաբար  յուրացվել էր 550 կգ ոսկի:

Նամակում նաեւ նշված է ընկերության կրկնակի ստուգման մասին, որն արդեն 2008թ. նշանակել է ՀՀ բնապահպանության նախարարը: Այդ ստուգման արդյունքում 2007թ. սահմանված տուգանքը կրճատվել է ավելի քան 20 անգամ եւ կազմել է 12 միլիոն դրամ:

Գրության մեջ նաեւ նշված է փորձագետ Սամվել Գասպարյանին կրկնակի ստուգումն անցկացնող հանձնաժողովում չընգրկելու մասին: Սամվել Գասպարյանն առաջին ստուգման ժամանակ հայտնաբերել էր վերոնշյալ խախտումները:

Հասարակական կզամակերպությունն ընդգծում է, որ դեռ 2009թ. դիմել է ՀՀ բնապահպանության նախարարությանը, Սյունիքի տարածքային բնապահպանական տեսչությանը եւ «Deno Gold Mining» ընկերությանը 2007-2008թթ. ստուգումների արդյունքների տրամադրման խնդրանքով, սակայն մինչ օրս պատասխան չի ստացել: ««Ախթալայի լեռնահարստացման կոմբինատ» ՓԲԸ-ի աղմկահարույց գործից հետո հասկացանք, թե ինչու չեն տրամադրում,- նշված է նամակում,- մամուլից հայտնի է, որ «Ախթալայի լեռնահարստացման կոմբինատ» ՓԲԸ-ի գլխավոր տնօրեն Վլադիմիր Լադչենկոն եւ նրա տեղակալ Լեւոն Վարդանյանը հրավիրվել են բնապահպանության նախարար Արամ Հարությունյանի մոտ քննարկման, ինչից հետո ՓԲԸ-ի կողմից կատարված խախտումների առնչությամբ նշանակված տուգանքի չափը մոտ 20 անգամ նվազել է` 202 միլիոնից դառնալով 10 միլիոն 141.6 հազար դրամ»:

Նամակում նաեւ նշված է, որ  հասարակական կազմակերպությունը տեղեկատվություն տրամադրելու պահանջով դիմել է դատարան ընդդեմ «Deno Gold Mining» ընկերության եւ միջնորդել է  դատարանին, որպեսզի ՀՀ բնապահպանության նախարարությանը եւ Սյունիքի տարածքային բնապահպանական տեսչությանը  ներգրավեն գործընթացի մեջ:

Ապրիլ 09, 2010


Առնչվող նյութեր


Կատեգորիա

ավելին
պակաս

Մարզեր