Արդվի գյուղի բնակիչները պաշտպանեցին իրենց «կանաչ» իրավունքները «Միռամ» ընկերության դեմ պայքարում

ԷկոԼուր

ՀՀ Լոռու մարզի Արդվի գյուղի բնակիչները պաշտպանեցին իրենց կանաչ իրավունքները «Միռամ» ընկերության դեմ պայքարում:

2017 թ-ին «Միռամ» ՍՊԸ-ն ՀՀ բնապահպանության նախարարություն ներկայացրեց Շեկաղբյուրի ոսկի-բազմամետաղների հանքերևակման տեղամասում որոնողական աշխատանքների իրականացման վերաբերյալ հայտ:

Տեղի բնակչությունը դեմ հանդես եկավ նախատեսվող գործունեության իրականացմանը՝ հիմնավորելով դա իրենց կանաչ իրավունքների խախտումներով:

Խախտումները պայմանավորված էին հետևյալ ռիսկերով՝

• ԱՌՈՂՋ ՇՐՋԱԿԱ ՄԻՋԱՎԱՅՐՈՒՄ ԱՊՐԵԼՈՒ ԻՐԱՎՈՒՆՔԻ ԽԱԽՏՈՒՄ - ջրային ռեսուրսների, հողի, գյուղմթերքների աղտոտում ծանր մետաղներով

• ՍԵՓԱԿԱՆ ԳՈՐԾՈՒՆԵՈՒԹՅԱՆ ԸՆՏՐՈՒԹՅԱՆ ԻՐԱՎՈՒՆՔԻ ԽԱԽՏՈՒՄ - գյուղատնտեսական գործունեության և զբոսաշրջության զարգացման խոչընդոտներ

• ԱՌՈՂՋՈՒԹՅԱՆ ԻՐԱՎՈՒՆՔԻ ԽԱԽՏՈՒՄ - ծանր և տոքսիկ տարրերով աղտոտվածություն

• ՍԵՓԱԿԱՆՈՒԹՅԱՆ ԻՐԱՎՈՒՆՔԻ ԽԱԽՏՈՒՄ - համայնքային սեփականության հողերը պետք է  հանձնվեն ընկերության նախագծի ենթակառուցվածքների համար

• ՏԵՂԵԿԱՏՎՈՒԹՅԱՆ ՄԱՏՉԵԼԻՈՒԹՅԱՆ ԻՐԱՎՈՒՆՔԻ ԽԱԽՏՈՒՄ - հանրային քննարկման վերաբերյալ պատշաճ ծանուցման բացակայություն

• ՈՐՈՇՈՒՄՆԵՐԻ ԿԱՅԱՑՄԱՆ ԳՈՐԾԸՆԹԱՑՈՒՄ ՄԱՍՆԱԿՑՈՒԹՅԱՆ ԻՐԱՎՈՒՆՔԻ ԽԱԽՏՈՒՄ - հանրային քննարկման վերաբերյալ պատշաճ ծանուցման բացակայություն

Բնակիչների իրավունքների վերականգնման համար իրականացվել են հետևյալ գործողությունները՝

• «ԷկոԼուր» տեղեկատվական ՀԿ-ի կողմից կանաչ իրավունքների վերաբերյալ բնակչության շրջանում իրազեկվածության բարձրացում:

• Իրավաբանական խորհրդատվություն:

• Բնակիչները ի պաշտպանություն առողջության և առողջ շրջակա միջավայրում ապրելու իրենց իրավունքների, անցկացրեցին երկու բողոքի ակցիա Արդվի և Մղարթ գյուղերում:

• Արդվեցիները ԷկոԼուրի աջակցությամբ նախատեսված գործունեության մերժման վերաբերյալ նամակ-պահանջագրեր ուղղեցին ՀՀ վարչապետին, ՀՀ բնապահպանության նախարարին: Նրանք դիմեցին ՀՀ Ազգային ժողովի Լոռու մարզի պատգամավորներին և աջակցություն ստացան «ԵԼՔ» խմբակցությունից:

• Նամակների վերաբերյալ տարածվեցին մամլո հաղորդագրություններ՝ ապահովելով լրատվամիջոցների ներգրավվածությունն արդվեցիների պայքարում:

• ԷկոԼուրը կարծիք ուղարկեց ՀՀ բնապահպանության նախարարություն՝ պահանջով մերժել Շեկաղբյուրի հայտը:

• Հայկական բնապահպանական ճակատ քաղաքացիական նախաձեռնության անդամների հետ միասին արդվեցիները վերականգնեցին գյուղի տարածքում խախտված լանդշաֆտը:

Արդյունքներ

• Կանաչ իրավունքների վերականգնում և պաշտպանում:

• ՀՀ բնապահպանության նախարարությունը դադարեցրեց Շեկաղբյուրի հայտի փորձաքննությունը և հետ ուղարկեց «Միռամ» ՍՊԸ-ի հայտը:

«ԿԱՆԱՉ» ԻՐԱՎՈՒՆՔՆԵՐԻ» ԽԱԽՏՈՒՄՆԵՐԻ ՌԵԵՍՏՐ-ԳՈՐԾԻՔ - ՇԵԿԱՂԲՅՈՒՐԻ ՈՍԿԻ-ԲԱԶՄԱՄԵՏԱՂՆԵՐԻ ՀԱՆՔԵՐևԱԿՄԱՆ ՏԵՂԱՄԱՍՈՒՄ ՈՐՈՆՈՂԱԿԱՆ ԱՇԽԱՏԱՆՔՆԵՐԻ ԻՐԱԿԱՆԱՑՄԱՆ ԾՐԱԳԻՐ (Հայ.)

Մարտ 15, 2018 at 20:46