Հայաստանի Կոտայքի և Գեղարքունիքի մարզերի երկնքում հայտնված թշնամու 4 անօդաչու սարք ոչնչացվեց

Հայաստանի Կոտայքի և Գեղարքունիքի մարզերի երկնքում հայտնված  թշնամու 4 անօդաչու սարք ոչնչացվեց

Հայաստանի Հակաօդային պաշտպանության (ՀՕՊ) ուժերն այս գիշեր  Հայաստանի տարածքում՝ Կոտայքի և Գեղարքունիքի մարզերի երկնքում, հայտնված թշնամու 4 անօդաչու թռչող սարք ոչնչացրեցին: Այս մասին Ֆեյսբուք սոցիալական ցանցում գրառում է կատարել ՀՀ վարչապետ Նիկոլ Փաշինյանը:

«Թշնամական չորս անօդաչու թռչող սարքեր են հայտնվել Կոտայքի և Գեղարքունիքի մարզերի օդում:

Հայաստանի ՀՕՊ ուժերն արդեն իսկ ոչնչացրել են դրանից երեքին: Ընթանում է չորրորդի տեղորոշման եւ չեզոքացման գործընթացը:

... Չորրորդն էլ ոչնչացվեց:

Հանդարտ, վստահ և դուխով: Հաղթելու ենք»,- գրել է ՀՀ վարչապետը:

Այս կապակցությամբ Հայկական միասնական տեղեկատվական կենտրոնը տեղեկացնում է. «Ըստ ՀՕՊ տեղորոշման տվյալների, ժամը 00։15-ի դրությամբ ՀՀ ԶՈՒ կողմից խոցվել է չորս ԱԹՍ՝ մեկը Կոտայքի, ևս երեքը Գեղարքունիքի մարզում։ Բոլոր խոցված անօդաչուները եղել են հետախուզական։

Այսպիսով, ՀՀ օդային տարածքում այսօրվա ընթացքում ընդհանուր առմամբ խոցվել է 7 անօդաչու»։

Հոկտեմբեր 02, 2020 at 01:20


Առնչվող նյութեր


Կատեգորիա

ավելին
պակաս

Մարզեր