Ավարտին են հասցվել Հայկական ատոմային էլեկտրակայանի (ՀԱԷԿ) թիվ 2 էներգաբլոկի ռեակտորի իրանի մետաղի վերականգնիչ ջերմամշակման (թրծաթողման) կայանքի հավաքման աշխատանքները:
ՀԱԷԿ-ի պաշտոնական կայքում հրապարակված տեղեկատվության համաձայն, թրծաթողման կայանքն անցել է համապատասխան ստուգում և լիովին պատրաստ է գործարկման:
Նշենք, որ աշխատանքներն իրականացրել են Ռուսաստանի Դաշնության «Нововоронежатомэнергоремонт» ընկերության մասնագետները:
Հիշեցնենք, որ ՀԱԷԿ-ում ռեակտորի իրանի մետաղի թրծաթողումը կիրականացվի 2021թ.՝ պլանային նախազգուշական վերանորոգման աշխատանքների ընթացքում:
«Սա հնարավորություն կտա ռեակտորի իրանի մետաղը վերականգնել 80-85%-ով և հուսալիորեն կնպաստի թիվ 2 էներգաբլոկի շահագործման նախագծային ժամկետի երկարացմանն ու անվտանգության մակարդակի բարձրացմանը»,- նշված է հաղորդագրության մեջ:
Լուսանկարը՝ ՀԱԷԿ-ի պաշտոնական կայքից
Դեկտեմբեր 24, 2020 at 12:20