«Սևան» ազգային պարկի տարածքում աղբի կուտակումների վերաբերյալ սեպտեմբերի 18-ի ահազանգի հիմքով հարուցվել էր վարչական վարույթ, հայտնում է Բնապահպանության և ընդերքի տեսչական մարմինը։
Պարզվել է, որ ««Սևան» ազգային պարկ» ՊՈԱԿ-ի Սևան անտառպետության տարածքում ոչ պատշաճ հսկողության հետևանքով կուտակվել է 4-րդ դասի վտանգավորության մեծաքանակ կենցաղային աղբ։
Ծանր տեխնիկայի միջոցով կուտակված աղբի վերացման աշխատանքների չկանոնակարգված կազմակերպումը հանգեցրել է 0,81 հեկտար հողի աղտոտման։
Կատարվել է հողային ռեսուրսներին պատճառված վնասի հաշվարկ, որը կազմել է 33.484.320 ՀՀ դրամ։
Առերևույթ հանցանքի մասին հաղորդում է ներկայացվել ՀՀ քննչական կոմիտե։
Հոկտեմբեր 15, 2025 at 11:53