ԷկոԼուր-ՀՀ տարածքային կառավարման նախարարության հասարակայնության հետ կապերի բաժին
ՀՀ փոխվարչապետ, տարածքային կառավարման նախարար Արմեն Գեւորգյանը մայիսի 23-ին ընդունեց ԵԱՀԿ երեւանյան գրասենյակի ղեկավար Սերգեյ Կապինոսին:
Զրուցակիցները քննարկեցին Օրհուսի կոնվենցիայի շրջանակում համագործակցության, բնապահպանական տեղեկատվության «Օրհուս» կենտրոնների ենթակառուցվածքների զարգացման խնդիրների հետ կապված հարցեր:
Փոխվարչապետը նշեց, որ հանձնարարվել է բնապահպանության նախարարին` շահագրգիռ կողմերի ներգրավմամբ աշխատանքներ իրականացնել`քննարկելու ԵԱՀԿ երեւանյան գրասենյակի առաջարկությունները` Օրհուսի հիմնադրամների ստեղծման եւ գործունեության, տեղական ներկայացուցչության, օրենսդրական փոփոխությունների անհրաժեշտության վերաբերյալ, եւ սեղմ ժամկետներում ներկայացնել արդյունքները:
Փոխվարչապետը տեղեկացրեց, որ ՀՀ կառավարությունը կարեւորում է Մոլդովայում կայանալիք Օրհուսի կոնվենցիայի կողմերի չորրորդ համաժողովին Հայաստանի մասնակցությունը, եւ նախատեսվում է , որ հայկական պատվիրակությունը կղեկավարի բնապահպանության նախարարը:
Ս. Կապինոսը շնորհակալության հայտնեց համագործակցության համար` հայտնելով նաեւ քննարկումներին մասնակցելու ԵԱՀԿ երեւանյան գրասենյակի պատրաստակամությունը:
Մայիս 25, 2011 at 12:28