ՀՀ էներգետիկայի եւ բնական պաշարների նախարարն ամփոփեց տարին

ՀՀ էներգետիկայի եւ բնական պաշարների նախարարն  ամփոփեց տարին

ԷկոԼուր- ՀՀ էներգետիկայի եւ բնական պաշարների նախարարություն

Դեկտեմբերի 22-ին ՀՀ էներգետիկայի և բնական պաշարների նախարարությունում տեղի ունեցավ  նախարար Արմեն Մովսիսյանի  ամենամյա ամփոփիչ ասուլիսը, որից առաջ նախարարը շնորհավորեց հանրապետության էներգետիկներին դեկտեմբերի 22-ի տոնի` էներգետիկի օրվա առթիվ:Նրանց մաղթեց բեղմնավոր և արդյունավետ աշխատանք` ի նպաստ հանրապետության էներգետիկ  անվտանգության մակարդակի բարձրացման:Նախարարը  հանրապետության նախագահի և վարչապետի կողմից տրված պետական պարգևներ  հանձնեց համակարգի աշխատակիցներին:

Նախարար Արմեն Մովսիսյանը համառոտ ներկայացրեց 2011թվականի ընթացքում էներգետիկայի և բնական պաշարների ոլորտում ունեցած ձեքբերումները և մակրոտնտեսական ցուցանիշները:

Նախարարը տեղեկացրեց, որ 2011 թվականի ընթացքում հարապետությունում արտադրվել է 7,4 մլրդ կՎտժ էլեկտրաէներգիա, որը 933 մլն կՎտժ-ով կամ 14,5 տոկոսով  գերազանցում է նախորդ տարվա ցուցանիշը:

Ընթացիկ տարում էլեկտրաէներգիայի արտահանման ծավալը կազմել է 1,36 մլրդ կՎտժ, որը 295 մլն կՎտժ-ով, կամ 28 տոկոսով ավելի է նախորդ տարվա նույն ժամանակահատվածի համեմատ:

2011 թվականին ներքին շուկայում սպառվել է 5.8 մլրդ կՎտժ էլեկտրաէներգիա, որը 504 մլն կՎտժ-ով կամ 10 տոկոսով ավելի է 2010 թվականի համեմատ:

Ներքին շուկայում էլեկտրաէներգիայի ծախսի աճը` ըստ հիմնական ոլորտների հետևյալն է`

1.   բնակչություն - 11,6 տոկոս

2.   բյուջետային կազմակերպություններ -12,6 տոկոս

3.   արդյունաբերություն - 4 տոկոս

4.   փոքր ու միջին բիզնես -20,3 տոկոս

5.   ոռոգման և խմելու ջրերի համակարգը - 26 տոկոսով պակաս, քան նախորդ տարում:

2011թ. Հայաստան է ներկրվել 2077մլն.խորանարդ մետր գազ, նախորդ տարվա 1765 մլն խորանարդ մետրի դիմաց: Գազի ոլորտում աճը կազմել է 312 մլն խորանարդ մետր, կամ 17,7 տոկոս: Առանձին սպառողների խմբերի մասով գազի սպառման աճը կազմել է.

1.   էներգետիկա - 35,8 տոկոս

2.   բնակչություն - 20,6 տոկոս

3.   տարբեր սպառողների մասով - 15,6 տոկոս

4.   ԱԳԼՃԿ - 13,7 տոկոս

Հանքարդյունաբերության ոլորտում 2011 թվականի ընթացքում արձանագրվել են հետևյալ ցուցանիշները`

արդյունահանված հանքաքարը` բնեղեն արտահայտությամբ կազմել է 20,2 մլն տոննա, որը մոտ 10 տոկոսով ավելի է նախորդ տարվանից: Ընթացիկ տարում պղնձի խտանյութի արտադրությունը աճել է շուրջ 10 տոկոսով , մոլիբդենինը` 15 տոկոսով, բազմետաղային խտանյութի  արտադրանքը` 9,2 տոկոսով, ցինկինը` 9,2 տոկոսով:

Հանրապետությունում արտադրվել է 1266 կգ ոսկի, որը նախորդ տարվա համեմատ ավելի է շուրջ 30 տոկոսով: Ընդհանուր առմամբ հանքարդյունաբերության ոլորտում ապրանքային արտադրանքը կազմել է մոտ 186,5 մլրդ դրամ, որը 19,5 տոկոսով ավելի է նախորդ տարվանից:

Ընթացիկ տարում տրվել է հանքարդյունահանման 45 լիցենզիա, որոնցից 3-ը` մետաղական հանքարդյունահանման:

2011 թվականի ընթացքում տրվել է ուսումնասիրության 66 լիցենզիա, որոնցից 7` մետաղական հանքավայրերի համար:

2011 թվականի ընթացքում նախարարության նախաձեռնությամբ ընդունվել են կառավարության և վարչապետի 90 որոշումներ: Ընդունվել է նաև «ՀՀ ընդերքի մասին» օրենսգիրքը, փոփոխություններ են կատարվել նաև 9 օրենքներում:

Նախարար Արմեն Մովսիսյանը պատասխանեց նաև լրագրողների հարցերին:Ասուլիսի ավարտին նախարարը շնորհավորեց բոլորի Ամանորն ու Սուրբ ծնունդը, մաղթեց առողջություն ու բեղմնավոր տարի:

Նոր ԱԷԿ-ի կառուցման «քլունգային» փուլը կսկսվի 2013թ.-ից

1in.am

Հրազդանի 5-րդ էներգաբլոկը հաջորդ տարվանից պատրաստ կլինի աշխատանքի: Այս մասին այսօր լրագրողների հետ հանդիպման ժամանակ հայտնեց ՀՀ էներգետիկայի և բնական պաշարների նախարար Արմեն Մովսիսյանը: Ներկայում ընթանում են փորձարարական աշխատանքները և արդեն 20 մլն ԿՎտ ժամ էլեկտրաէներգիա է արտադրվել փորձարկման արդյունքում:

ՀԾԿՀ ծրագրով՝ առաջիկա տարիներին պետք է ավելի քիչ իրանական գազ ստանանք: Սա Ա. Մարտիրոսյանը բացատրեց նրանով, որ Հրազդանի 5-րդ բլոկն ավելի խնայողաբար է աշխատում և արտադրանքով են փորձելու լրացնել:

Զոդի հանքի վերաբերյալ նախարարը հայտնեց, որ Վերահսկիչ պալատը հարցը քննարկել է համաձայն գործող օրենսդրության: Ներկայում ներդրումների ուշացման խնդիր կա, բայց պայմանավորվածություն է ձեռք բերվել ներդրումների արագացման շուրջ, մի քանի ամիս առաջ պայմանագիր ստորագրվեց ոսկու գործարանի կառուցման մասին, որը 2014թ.-ից կգործարկվի:

Ա. Մովսիսյանը տեղեկացրեց, որ 2012թ. կշարունակվեն երկու ենթակայանների վերականգնման աշխատանքները, Որոտան կասկադի վերանորոգման խնդիրը ավարտին պետք է հասցվի, ՀՀ-ում և ԼՂՀ-ում սեփական էներգառեսուրսները առավելագույնս պետք է օգտագործվեն: Ածուխի որոշ պաշարներ են հայտնաբերվել և Երևանի հին ջերմային կայանքը փորձ է արվելու ածխով աշխատեցնել: «Ածուխը բավականին տնտեսական ազդեցություն կունենա և կնպաստի գների վրա»,- նկատեց նախարարը:

Հաջորդ տարվա համար նաև հանքարդյունաբերության ծրագրեր կան, այս տարի Ագարակի կոմբինատում 14 մլն դոլարի ներդրում է արվել, իսկ հաջորդ տարի 25 մլն դոլարի ներդրում կարվի, «Դինո Գոլդ Մայնինգ» ընկերությունը 24 մլն դոլարի ներդրում կանի Կապանի լեռնահարստացման կոմբինատում: Պետք է ավարտվեն Իրան-Հայաստան գծի մոնտաժման աշխատանքները, սկսվեն Իրան-Հայաստան և ՀՀ-Վրաստան գծի կառուցման աշխատանքները:

«ԱԷԿ-ի կառուցման գործընթացը սկսված է, դա քլունգով չի սկսվում»,- նկատեց Ա.Մովսիսյանը՝ նոր ԱԷԿ-ի կառուցման գործընթացը սկսվել է անցած տարվանից, շինարարական փուլին կհասնենք 2013թ.-ին: Նա չբացառեց հին էներգաբլոկի շահագործումը 2016թ.-ից հետո երկարացնելու հավանականությունը. «Միշտ ասել ենք, որ մինչև չկառուցվի նորը, հինը կշարունակի աշխատել»:

Դեկտեմբեր 28, 2011 at 11:55


Առնչվող նյութեր


Կատեգորիա

ավելին
պակաս

Մարզեր