Իսկ որտե՞ղ են մոխրագույն ագռավի, կաչաղակի, գայլի և շնագայլի որսի սահմանափակումները

Իսկ որտե՞ղ են մոխրագույն ագռավի, կաչաղակի, գայլի և շնագայլի որսի սահմանափակումները

ԷկոԼուր

ՀՀ բնապահպանության նախարար Արամայիս Գրիգորյանը 2014 թ. օգոստոսի 21-ին հրաման է ստորագրել Հայաստանի Հանրապետության տարածքում (բացառությամբ բնության հատուկ պահպանվող տարածքներից) սիրողական որսի թույլտվության վերաբերյալ: Այսպիսով, որսի սիրաարները կաորղ են որսալ`

1)​ լոր – մինչև 80000 հատ, 2014 թվականի օգոստոսի 24-ից հոկտեմբերի 31-ը (10 հատից ոչ ավելի յուրաքանչյուր որսի ընթացքում),

2)​  աղավնիներ (թխակապույտ և անտառային, սովորական տատրակ) – մինչև 10000 հատ, 2014 թվականի օգոստոսի 24-ից 2015 թվականի հունվարի 31-ը (5 հատից ոչ ավելի յուրաքանչյուր որսի ընթացքում), 

3)​  քարակաքավ – մինչև 3000 հատ, 2014 թվականի նոյեմբերի 1-ից դեկտեմբերի 31-ը (5 հատից ոչ ավելի յուրաքանչյուր որսի ընթացքում),

4)​ կտցարներ (բացառությամբ Հայաստանի Հանրապետության Կարմիր գրքում գրանցվածների)– մինչև 3000 հատ, 2014 թվականի օգոստոսի 24-ից դեկտեմբերի 31-ը (5 հատից ոչ ավելի յուրաքանչյուր որսի ընթացքում),

5)​ արտույտներ (դաշտային, տափաստանային) – մինչև 2500 հատ, 2014 թվականի օգոստոսի 24-ից հոկտեմբերի 31-ը (5 հատից ոչ ավելի յուրաքանչյուր որսի ընթացքում),

6)​ սարյակ (սովորական) – մինչև 3000 հատ, 2014 թվականի օգոստոսի 24-ից հոկտեմբերի 31-ը (10 հատից ոչ ավելի յուրաքանչյուր որսի ընթացքում),

7)​ կեռնեխներ (սև կեռնեխ, սինակեռնեխ) – մինչև 3000 հատ, 2014 թվականի օգոստոսի 24-ից հոկտեմբերի 31-ը (10 հատից ոչ ավելի յուրաքանչյուր որսի ընթացքում),

8)​  ջրլող թռչուններ` բադեր (կռնչան բադ, կարմրագլուխ սուզաբադ, սուլող և ճքճքան մրտիմներ) և ջրհովվիկներ (փառփար, եղեգնահավ) – մինչև 10000 հատ 2014 թվականի սեպտեմբերի 15-ից 2015 թվականի փետրվարի 15-ը (2 հատ բադ և 2 հատ ջրհովվիկից ոչ ավելի յուրաքանչյուր որսի ընթացքում),

9)​ աղվես – մինչև 700 հատ, 2014 թվականի նոյեմբերի 1-ից 2015 թվականի հունվարի 31-ը (2 հատից ոչ ավելի յուրաքանչյուր որսի ընթացքում):

2014-2015 թվականների որսաշրջանի ընթացքում որսի թույլտվություն ունեցող անձանց թույլատրվում է իրականացնել մոխրագույն ագռավի, կաչաղակի, գայլի և շնագայլի որս: Բնապահպանության նախարարի հրամանում նշված չեն այս տեսակների ոչ որսի քանակը, ոչ ժամկետը: Ստացվում է, որ այս տեսակները կարելի է որսալ անսահմանափա՞կ:

Օգոստոս 25, 2014 at 13:55


Առնչվող նյութեր


Կատեգորիա

ավելին
պակաս

Մարզեր