ԷկոԼուր
Սյունիքի մարզի ջրային ավազանի էկոլոգիական հավասարակշռության համար վտանգ կարող են ներկայացնել վերջին շրջանում մարզում կառուցված և կառուցվելիք փոքր ՀԷԿ-երը: Այս մասին նշված է ՀՀ Սյունիքի մարզի 2014-2017թթ. սոցիալ-տնտեսական զարգացման ծրագրում»:
«Փոքր էներգետիկայի հիմնական դրական կողմը վնասակար նյութերի և ջերմոցային գազերի մթնոլորտ արտանետման նվազեցումն է, էներգիայի տեղի աղբյուրների օգտագործումը, սակայն փոքր ՀԷԿ-երն ունեն նաև բացասական կողմեր: Դրանցից հիմնականներն են` ջրային ռեսուրսների օգտագործման ոլորտում կարգավորող և վերահսկող մեխանիզմների անբավարարությունը, գետային էկոհամակարգերի՝ ջերմային և վիբրացիոն ցնցումների ենթարկումը, համայնքների բնակիչներին խմելու և ոռոգման ջրի չբավարարելու հանգամանքը, ափամերձ անտառների և կանաչ տարածքների չորացումը, գետերի էկոհամակարգերի խափանումը:
Փոքր ՀԷԿ-երին առնչվող բիզնեսն ընդլայնման միտում ունի: Հաշվի առնելով այս հանգամանքը անհրաժեշտ է.
1) ժամանակավորապես դադարեցնել փոքր ՀԷԿ-երի կառուցման արտոնագրերի տրամադրումը մինչև իրավական հիմքով խնդրի լիարժեք կարգավորումը
2) պետական տեսչական մարմինների մասնակցությամբ անցկացնել գործող փոքր ՀԷԿ-երի հասարակական մոնիտորինգ
3) վերանայել էներգետիկ քաղաքականությունը փոքր ՀԷԿ-երի նկատմամբ».- մասնավորապես նշված է ծրագրում:
Հանրային ծառայությունները կարգավորող հանձնաժողովի տրամադրած լիցենզիաների համաձայն` Սյունիքի մարզում շահագործվում է 41 ՓՀԷԿ:
Սույն նյութը հնարավոր է դարձել Բաց հասարակության հիմնադրամներ - Հայաստանի ամբողջական ֆինանսական օժանդակության շնորհիվ՝ քաղաքականության կրթաթոշակներ նախաձեռնության ծրագրի շրջանակներում, դրամաշնորհ N 18571.։
Հոդվածում տեղ գտած վերլուծություններն արտահայտում են հեղինակի տեսակետը և կարող են չհամընկնել Բաց հասարակության հիմնադրամներ - Հայաստանի դիրքորոշումների ու տեսակետների հետ։
Փետրվար 11, 2014 at 16:59