ԷկոԼուր
«Մեգո Գոլդը» Մելիքում, այնուամենայնիվ, հասարակական լսումներ կանցկացնի։
Սույն թվականի մարտի 28-ին՝ ժամը 12.00-ին, Մելիքի գյուղապետարանում, տեղի կունենան «Մեգո Գոլդ» ՍՊԸ-ի կողմից շրջակա միջավայրի վրա ազդեցության փորձաքննության ներկայացված Թուխմանուկի ոսկու հանքավայրի նոր պոչամբարի նախագծի լրամշակված բնապահպանական մասի վերաբերյալ մասնագիտական եզրակացության, հասարակական և ազդակիր համայնքի ղեկավարի կարծիքների հասարակական լսումներ: Այս մասին տեղեկացնում է ՀՀ բնապահպանության նախարարության պաշտոնական կայքը։
Հիշեցնենք, որ «Մեգո Գոլդ»-ը նույն թեմայով հասարակական լսումներ անցկացրեց Երեւանում սույն թվականի փետրվարի 12-ին։ Սակայն մելիքցիները պահանջեցին այն անցկացնել իրենց գյուղում եւ հաշվի առնել իրենց կարծիքը։ Արդյոք գյուղը կհամաձայնի նոր պոչամբարի կառուցմանը, թե ոչ, պարզ կլինի մարտի 28-ին։
Մարտ 18, 2014 at 14:05