Պետական ծառայությունները քողարկում են Հայաստանում մթնոլորտային օդի աղտոտվածության տվյալները

Պետական ծառայությունները քողարկում են Հայաստանում մթնոլորտային օդի աղտոտվածության տվյալները

ԷկոԼուր

Արդեն մի քանի ամիս է, ինչ ՀՀ բնապահպանության նախարարությունը չի հրապարակում մթնոլորտային արտանետումների (ՍԹԱ) վերաբերյալ տվյալները, որոնք գերազանցում են սահմանային թույլատրելի սահմանները: «Էլեկտրոնային կառավարում» բաժինը, որտեղ տեղադրված էր գործող ձեռնարկությունների, կիրառվող տեխնոլոգիաների, վնասակար նյութերի արտանետումների քանակի և բաղադրության, օդում աղտոտվածության տարածման հաշվարկների մասին տեղեկատվությունը, չի աշխատում: Փաստորեն, խախտվում է «Մթնոլորտային օդի պահպանության մասին» ՀՀ օրենքը և    մթնոլորտային արտանետումների թույլտվություն տալու մասին 27.12.2012- ի N 17-63 կառավարության որոշումը: Որոշման մեջ նշված է, որ ՍԹԱ-ով նախագծերը պետք է ներկայացված լինեն էլեկտրոնային տեսքով: 

Նախարարությունը չի կատարում իր` օպերատիվ էկոլոգիական տեղեկատվություն տարածելու գործառույթը, որը նախ և առաջ կարևոր է նրա համար, որպեսզի հնարավորություն լինի պաշտպանվել վնասակար արտանետումների ազդեցությունից` ալերգիկ հիվանդությունների առկայության, տեղի ունեցող վթարների, բարձր կոնցենտրացիաներով վնասակար նյութերի միանգամյա արտանետումների դեպքում: Մասնակիորեն, այդ գործառույթը կատարում է Շրջակա միջավայրի վրա ազդեցության մոնիտորինգի կենտրոնը: Բայց Կենտրոնը որոշում է աղտոտվածությունը միայն 6 քաղաքներում, այն դեպքում, երբ օդի աղտոտվածություն է տեղի ունենում շրջաններում, գյուղերում, առաջին հերթին` լեռնահանքային արդյունաբերության պատճառով առաջացած փոշու արտանետումներից: Օրինակ, Քաջարան քաղաքում, որը ամեն օր ծածկվում է փոշու ամպով` առաջացած Քաջարանի պղնձեմոլիբդենային հանքավայրի պայթյուններից, աղտոտվածության չափումներ չեն իրականացվում: Արամուս գյուղի բնակիչները բողոքում են փոշուց, որի պատճառով գյուղում, իրենց խոսքերով, անհնար է շնչել: Պարզվել է, որ գյուղի մոտակայքում շահագործվում են 7-8 բազալտի հանքեր:

Կայուն աղբյուրներից օդի աղտոտվածության մասին օպերատիվ տվյալները հաղորդվում են ՀՀ պետական վիճակագրական ծառայություն, որը տեղեկացնում է բնակչությանը 2 տարի ուշացումով: Այսպիսով, ՀՀ Պետական վիճակագրական ծառայության  2012թ-ի տարեկան հաշվետվության մեջ ներկայացված են 2011թ-ի տվյալները:

Սեպտեմբեր 25, 2013 at 16:20


Առնչվող նյութեր


Կատեգորիա

ավելին
պակաս

Մարզեր