Լոռիում, Սյունիքում եւ Տավուշում հայտնաբերվել են ապօրինի անտառահատման, իսկ Գեղարքունիքում, Արմավիրում եւ Շիրակում խեցգետնի ապօրինի որսի դեպքեր

Լոռիում, Սյունիքում եւ Տավուշում հայտնաբերվել են ապօրինի անտառահատման, իսկ Գեղարքունիքում, Արմավիրում եւ Շիրակում խեցգետնի ապօրինի որսի դեպքեր

ԷկոԼուր

ՀՀ բնապահպանության նախարարության՝ 13-17.10.2014թ. ժամանակահատվածում իրականացրած միջոցառումների արդյունքում կայացվել է 850.0 հազար դրամ  ընդհանուր գումարի վարչական տուգանքի 13 որոշում և հաշվարկվել է 349.5 հազար դրամ ընդհանուր գումարի շրջակա միջավայրին հասցված վնաս: Ընդհանուր առմամբ ՀՀ բնապահպանության նախարարության կիրառած պատժամիջոցներից պետական բյուջե հաշվետու ժամանակահատվածում մուտք է եղել 1.55 միլիոն դրամ գումար:  Այս մասին տեղեկացնում է ՀՀ բնապահպանության նախարարության տեղեկատվության եւ հասարակայնության հետկապերի վարչությունը: Աղբյուրի համաձայն` մասնավորապես, Լոռու տարածքային բաժնի վարույթին հանձնված  ապօրինի ծառահատման երեք գործի քննության արդյունքում ֆիզիկական անձանց նկատմամբ կայացվել է 150.0 հազար դրամ ընդհանուր  գումարի վարչական տուգանքի երեք որոշում և հաշվարկվել է 99.0 հազար դրամ ընդհանուր գումարի շրջակա միջավայրին հասցված վնաս:

Սյունիքի տարածքային բաժնի կողմից իրականացված շրջայցերի արդյունքում հայտնաբերած ապօրինի ծառահատման  մեկ  գործի քննության  արդյունքում   ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի  որոշում և հաշվարկվել է 100.5 հազար դրամ գումարի շրջակա միջավայրին հասցված վնաս:

Արագածոտնի տարածքային բաժնի կողմից իրականացված շրջայցերի ընթացքում  հայտնաբեված  առանց անթափանց ծածկոցի սորուն նյութ տեղափոխելու համար ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի  որոշում:

Տավուշի տարածքային բաժնի վարույթին հանձնված փայտանյութի ապօրինի տեղափոխման  

երեք գործերի քննության  արդյունքում  երեք ֆիզիկական անձի նկատմամբ կայացվել է 300.0 հազար դրամ ընդհանուր  գումարի վարչական տուգանքի  որոշումներ: Անտառների վերահսկողության բաժնի կողմից իրականացված շրջայցերի արդյունքում հայտնաբերված նույնատիպ մեկ խախտման համար  կայացվել է 100.0 հազար դրամ գումարի վարչական տուգանքի որոշում և հաշվարկվել է 150.0 հազար դրամ գումարի շրջակա միջավայրին  հասցված վնաս: 

Գեղարքունիքի տարածքային բաժնի և ՀՀ ոստիկանության Սևանի բաժնի կողմից իրականացված համատեղ շրջայցերի ընթացքում  հայտնաբերված խեցգետնի ապօրինի որսի համար ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում, իսկ առգրավված 3.16կգ կենդանի խեցգետինը բաց է թողնվել Սևանա լիճ:

Արմավիրի տարածքային բաժնի իրականացրած շրջայցերի ընթացքում հայտնաբերված խեցգետնի ապօրինի որսի համար մեկ ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում:

Շիրակի տարածքային բաժնի իրականացրած շրջայցերի ընթացքում հայտնաբերված խեցգետնի  ապօրինի  որսի համար մեկ ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում: Առգրավվել է երեք խեցգետնաորսիչ, իսկ 2.5կգ խեցգետինը կենդանի վիճակում  բաց է թողնվել ջրամբար:     

Բնապահպանական և բնօգտագործման վճարի հաշվետվությունները սահմանված ժամկետում չներկայացնելու համար  Շիրակի տարածքային բաժնի կողմից մեկ տնտեսվարողի նկատմամբ կայացվել է 50.0 հազար դրամ գումարի վարչական տուգանքի որոշում:

Հոկտեմբեր 21, 2014 at 16:03


Առնչվող նյութեր


Կատեգորիա

ավելին
պակաս

Մարզեր