ԷկոԼուր
«Էրեբունու անտառում շինարարությունը շարունակվում է, իսկ ծառերը կտրել, վերջացրել են», - ԷկոԼուրը կրկին ահազանգ ստացավ Երևան քաղաքի Էրեբունի վարչական շրջանի բնակչից:
«Ահազանգը փոխանցվել է ՀՀ բնապահպանության և ընդերքի տեսչական մարմնի Երևանի տարածքային բաժնին, որտեղ խնդրով զբաղվում են», - հայտնեց տեսչական մարմնի ղեկավարի օգնական Վրույր Պեպանյանը:
Հիշեցնենք, որ ԷկոԼուրի «ԷԿՈԱՀԱԶԱՆԳ» կայքէջում մեկ շաբաթ առաջ տեղադրվել էր ահազանգ այն մասին, որ Էրեբունու անտառում՝ Մուշական և Ջրաշեն թաղամասերի խաչմերուկի մոտակայքում, ծառեր են հատում և շինարարություն իրականացնում:
ԷկոԼուրն ահազանգը փոխանցել էր ՀՀ բնապահպանության և ընդերքի տեսչական մարմին և Երևանի քաղաքապետարան:
Լուսանկարները` Էրեբունու բնակչի
Նոյեմբեր 22, 2018 at 16:15