ԷկոԼուր
Դիլիջանում համայնքի զարգացմանը խոչընդոտող խնդիրների լուծման նպատակով կստեղծվի աշխատանքային խումբ: Նման որոշում կայացվել է սեպտեմբերի 7-ին Դիլիջանի քաղաքապետարանում տեղի ունեցած հանրային քննարկման ժամանակ: Քննարկմանը մասնակցել են Դիլիջանի քաղաքապետը, ավագանու անդամները և Դիլիջանի Օրհուս կենտրոնի համակարգող Ալբերտ Հարոյանը: Այս մասին տեղեկանում ենք aarhus.am կայքում տեղադրված հաղորդագրությունից:
Ալբերտ Հարոյանի առաջարկով՝ աշխատանքային խումբը կձևավորվի քառակողմ ֆորմատով՝ ակտիվ քաղաքացիներ, ՏԻՄ ներկայացուցիչներ, բիզնես սեկտորի և ՀԿ-ների ներկայացուցիչներ:
«Համայնքի զարգացմանը և անվտանգությանը խոչընդոտող խնդիրների թվում մասնավորապես նշվեց աղբի խնդիրը, համայնքի սպասարկման ոլորտում աշխատողների օտար լեզուների չիմացությունը, համայնքի բնակելի տների և օբյեկտների արտաքին տեսքի ու գիշերային լուսավորության, թափառող կենդանիների, պահանջարկ ունեցող համապատասխան մանսագետների բացակայության ու բազմաթիվ այլ խնդիներ»,- մասնավորապես նշված է հաղորդագրության մեջ:
Սեպտեմբեր 16, 2013 at 11:18