Այս տարի ՄԱԿ-ի Կլիմայի փոփոխության մասին շրջանակային կոնվենցիայի Մասնակիցների կոնֆերանսի 29-րդ համաժողովը («COP29») կանցկացվի նոյեմբերի 11-22-ը Բաքվում: Այս միջազգային հանդիպման՝ մարդու իրավունքները ոտնահարող երկրում անցկացնելը մեծ վրդովմունք է առաջացրել: Բազմաթիվ իրավապաշտան կառույցներ ու բնապահպանական կազմակերպություններ ու շարժումներ հանդես են եկել կոչերով՝ Բաքվում COP 29-ը անցկացնելու որոշումը չեղարկելու կամ բոյկոտելու մասին:
Սույն թվականի հոկտեմբերի 17-ին Երևանում տեղի ունեցավ «COP 29-ին ընդառաջ» կլոր սեղանը: Նպատակն էր ներկայացնել Հայաստանի քաղաքացիական հասարակության դիրքորոշումը COP 29-ի վերաբերյալ և պետական մարմիններից լսել Հայաստանի պաշտոնական դիրքորոշումը Հայաստանի մասնակցության և COP-ի շրջանակներում Հայաստանի կլիմայական օրակարգի վերաբերյալ:
Կլոր սեղանը կազմակերպվել էր Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի աջակցությամբ «Էկոլուր» տեղեկատվական ՀԿ-ի կողմից իրականացվող «Համայնքների հզորացում Հայաստանում կլիմայական քաղաքականության իրականացմանը մասնակցության և իրազեկման միջոցով» ծրագրի շրջանակներում:
Քննարկմանը մասնակցեցին Արտաքին գործերի նախաարարության, Տարածքային կառավարման և ենթակառուցվածքների նախարարության, Հայնրիխ Բյոլ հիմնադրամի Հարավային Կովկասի գրասենյակի, ՄԱԶԾ կլիմայական ծրագրի թիմի, Արևելյան գործընկերության Քաղաքացիական հասարակության ֆորումի Հայաստանի ազգային պլատֆորմում ընդգրկված հասարակական կազմակերպությունների, Հայաստանի քաղաքացիական հասարակության, «էկոԼուր» տեղեկատվական ՀԿ-ի, Մարտունի, Փամբակ, Գավառ և Հրազդան համայնքների տեղական ինքնակառավարման մարմինների և տեղական ՀԿ-ների ներկայացուցիչները:
Կլոր սեղանի մասնակիցներին ողջունեց Հայնրիխ Բյոլ հիմնադրամի Հարավային Կովկասի գրասենյակի ղեկավար Սոնյա Շիֆերսը։
«Էկոլուր» տեղեկատվական ՀԿ-ի փոխնախագահ Վիկտորյա Բուռնազյանը և փորձագետ Ռոզա Ջուլհակյանը ներկայացրին COP29-ին ընդառաջ պատրաստված վերլուծությունը:
«Խազեր» ՀԿ-ի փորձագետ Արամ Գաբրիելյանը հանդես եկավ «Կլիմայի փոփոխության հիմնախնդիրների լուծման ա/Երկարաժամկետ ֆինանսավորումը և բ/միջազգային համագործակցության մեխանիզմները» թեմայով զեկուցմամբ։
ՄԱԿ-ի կլիմայական ծրագրերի ավագ խորհրդատու Դիանա Հարությունյանը ներկայացրեց, թե ինչպես է ՄԱԿ-ի Զարգացման Ծրագիրն օժանդակում ՀՀ կլիմայական օրակարգի իրականացմանը, որին հետևեցին մասնակցիների ելույթները։
Քննարկման ավարտին մասնակիցներին ներկայացվեց ՄԱԿ-ի COP29 նստաշրջանի մասնակիցներին ուղղված Հայաստանի քաղաքացիական հասարակության կազմակերպությունների կոչի նախագիծը, որը լրամշակումից հետո կդառնա հրապարակային։
Սույն հոդվածը պատրաստվել է «Համայնքների հզորացում Հայաստանում կլիմայական քաղաքականության իրականացմանը մասնակցության և իրազեկման միջոցով» ծրագրի շրջանակներում, որն իրականացվում է Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի հետ համագործակցությամբ։
Հոդվածի բովանդակության համար պատասխանատու է միայն հեղինակը, և այն որևէ կերպ չի կարող ընկալվել որպես Հայնրիխ Բյոլ հիմնադրամի Հարավային Կովկասի տարածաշրջանի երևանյան գրասենյակի տեսակետ:
Հոկտեմբեր 21, 2024 at 13:28