ՕՐԵՆՔԸ ՃՆՇՈՒՄ Է ԱՆՏԱՌՆԵՐԻՆ

Արթուր Ղազարյան, Antarner.net

Անտառների վրա գործադրող ճնշումը մեծ է, ինչը և արագացնում է գյուղական բնակչության եկամուտների աղբյուրների ոչնչացման գործընթացը: Դա համատարած աղքատության, էլեկտրաէներգիայի և հումքի բարձր պահանջարկի ու տնտեսական կտրուկ աճի արդյունք է:

Համայնքներում տնտեսապես եկամտաբեր բիզնեսը հիմնված է անտառների վրա, հատկապես սահմանամերձ տարածքների սահմաններում և դրանց շուրջը, և հետևաբար դիտվում է որպես անտառներին սպառնացող երևույթ:

Անկախության հռչակումից հետո Հայաստանի Հանրապետությունը 1993 թ-ին Միացյալ Ազգերի Կազմակերպությունում ազդարարեց կենսաբազմազանության պահպանման կարևորության մասին և ստորագրեց կոնվենցիան` ստանձնելով դրանում ամրագրված բոլոր պարտավորությունները կենսաբազմազանությունը պահպանելու նպատակով:

Պետությունը պետք է ստեղծի կենսաբազմազանության կայուն օգտագործման համար քաղաքական, իրավական և ինստիտուցիոնալ բարենպաստ պայմաններ և դա կարող է լինել միայն օրենսդրական փոփոխություններից հետո:

Անտառների պահպանության համար պետք է օրենսդրական փոփոխություններ իրականացվեն և բնավճարներ չպետք է գանձվեն անտառից գոյացած բերք ու բարիք հավաքողներից այսինքն գյուղական բնակչությանից:

Անտառահատումները հանդիսանում են գյուղական բնակչության եկամուտների աղբյուր և օրենսդրական փոփոխություններ իրականացնելուց հետո անտառների պահպանությունը կիրականացնեն հենց իրենք` գյուղական բնակչությունը, որպեսզի անտառից գոյացած բերք ու բարիքը առատ լինի:

Օգոստոս 02, 2010


Առնչվող նյութեր


Կատեգորիա

ավելին
պակաս

Մարզեր