ԷկոԼուր
Երիտասարդական կանաչ շարժման ակտիվիստ Մարիամ Սուխուդյանը այլևս հրաժարվում է գնալ Լոռու մարզի քննչական բաժնի Գուգարքի քննչական բաժանմունք՝ ցուցմունք տալու:
Եղեգնուտի եւ Վահագնի անտառապետություններից ապօրինի ծառահատումներ կատարելու դեպքի առթիվ հարուցվել է քրեական գործ: Երիտասարդական կանաչ շարժման ակտիվիստներ Մարիամ Սուխուդյանը և Վահե Վարդումյանը հոկտեմբերի 23-ին հարցաքննության էին հրավիրվել Գուգարքի քննչական բաժանմունք՝ որպես վկա:
«Մենք հայտարարում ենք և հրաժարվում այլևս ցուցմունքներ տալու, ինչպես նաև չենք գնալու Գուգարք, մինչև չստանանք արդեն իսկ կատարած ճանապարհածախսը:
Ու թող քննիչը նեղություն քաշի ու գա Երևան` մեզ հարցաքննելու: …Նրանք մեղավորներին պատժելու փոխարենը ոտնահարում են վկայի իրավունքները»,- ասված է ակտիվիստի տարածած հայտարարության մեջ:
Նշենք, որ ըստ ՀՀ քրեական դատավարության օրենսգրքի 167-րդ հոդվածի՝ պետական բյուջեի հաշվին պետք է հատուցվեր վկայի երթեւեկության ծախսերը, ինչը չի արվել: «Ինչու, եթե կա օրենք, այն չի գործում: Դիմում եմ պատկան մարմիններին: Եթե Գուգարքի ոստիկանությունը օրենքից դուրս բան է անում, համապատասխան պատժի ենթարկել»,- հայտարարել է Մարիամ Սուխուդյանը:
Նոյեմբեր 00, 0000