

ԱրմԻնֆո
Հայաստանում ապօրինի անտառահատումների հետևում կանգնած են ուժային գերատեսչությունները, ԱրմԻնֆո-ի թղթակցի հետ զրույցում ասել է «ԷկոԼուր» կազմակերպության ղեկավար Ինգա Զարաֆյանը:
«Ապօրինի ծառահատումների հետևում կանգնած են մարդիկ, ովքեր աշխատում են ուժային գերատեսչություններում և ովքեր կոչված են պահպանելու օրենքը: Իսկ ամենասարսափելին դա է: Քանի դեռ անտառում կա բիզնես և քանի դեռ մեզ մոտ առկա է բնական ռեսուրսների օգտագործման ոլորտում կոռուպցիայի բարձր մակարդակ, այդ խնդիրները չեն լուծվի»,- նշել է նա:
Նրա կարծիքով, այդ գործընթացը հնարավոր կլինի կանգնեցնել միայն այն դեպքում, եթե որոշակի ժամանակահատվածում ամբողջովին արգելվեն անտառահատումները, ինչպես նաև արտոնություններ և դոտացիաներ տրամադրվեն անտառամերձ բնակավայրերի բնակիչներին, քանի որ գազի բարձր գների պատճառով նրանք հաճախ ստիպված են վառելափայտ օգտագործել:
«Փաստը մնում է փաստ, որ այժմ մենք չունենք անտառային հատվածում որևէ գործուն քաղաքականություն, որը կարող է լուծել ապօրինի ծառահատումների խնդիրը: Եվ դա վկայում է այն մասին, որ մի օր մենք կմնանք առանց անտառի»,- նշել է նա:
Հունվար 24, 2011
