

Aysor.am
Ամերիկայի Արիզոնա նահանգում բռնկված հրդեհները հանգցնել չի հաջողվում: «Россия-24» հեռուստաընկերության փոխանցմամբ` հրդեհի մարման աշխատանքներում ավելի քան 3 հազար հրշեջներ են ներգրավված:
Տեղեկատվության համաձայն` համայնքի ղեկավարությունը տարհանել է վտանգի գոտում գտնվող տարածքների բնակիչներին: Ներկայում նահանգի փողոցները պարուրված են ծխով, տեղի բնակիչներին չեն օգնում անգամ բժշկական դիմակները:
Նշենք, որ վերջին օրերին եղանակը բարելավվել է, հրշեջներին նույնիսկ հաջողվել է հրդեհի մի քանի խոշոր օջախներ տեղայնացնել:
Օդերևութաբանների կանխատեսմամբ ` նախորդ շաբաթվա սկզբին դարձյալ մեծանալու է քամու հավանականությունը, ինչն էլ նոր հրդեհների առաջացման պատճառ կարող է դառնալ:
Լուսանկարը` www.nydailynews.com կայքի
Հունիս 13, 2011 at 13:06
