ԷկոԼուր
«Էյ Թի Փի» բարեգործական հիմնադրամն այս տարի 64,107 ծառ է տնկել Տաշիրում և Ստեփանավանում: Հիմնական ծառատունկը իրականացվել է Տաշիրում: Համայնքային սեփականություն հանդիսացող հողատարածքի վրա` Միխայլովկա գյուղի հարևանությամբ, տնկվել է 59,816 ծառ:
«Դրանք հիմնականում սոճու և քիչ քանակության վայրի պտղատու ծառերի՝ խնձորենու և տանձենու տնկիներ են։ Այդ տարածքը կազմում է մոտ 34 հեկտար: Աշխատանքները դեռ շարունակվում են: Նախատեսում ենք ավարտել դրանք այս տարվա աշնանը», - «ԷկոԼուր»-ին փոխանցեց «Էյ Թի Փի»-ի անտառագետ Վահե Մարտիրոսյանը: Նա նշեց, որ ծառատունկին մասնակցել են նաև հարակից համայնքների բնակիչները:
Իսկ Ստեփանավանում կատարվել են լրացման աշխատանքներ՝ տնկիների տնկում տարածքի բացատներում և չորացած ու վնասված ծառերի փոխարինում առողջ տնկիներով։
Նյութում օգտագործված լուսանկարները տրամադրել է Վահե Մարտիրոսյանը
Մարտ 31, 2017 at 15:25