ՀԱՅԱՍՏԱՆՈՒՄ ԱՆՏԱՌՆԵՐԻ ԿԱՌԱՎԱՐՄԱՆ ՈԼՈՐՏՈՒՄ ԲԱԶՄԱՄՅԱ ԲԱՐԵՓՈԽՈՒՄՆԵՐԸ ՉԵՆ ՕԳՆԵԼ: ENPI FLEG ԾՐԱԳԻՐՆ ԵԶՐԱԿԱՑՐԵԼ Է, ՈՐ ԱՆՀՐԱԺԵՇՏ ԵՆ ՆՈՐ ԲԱՐԵՓՈԽՈՒՄՆԵՐ

ՀԱՅԱՍՏԱՆՈՒՄ ԱՆՏԱՌՆԵՐԻ ԿԱՌԱՎԱՐՄԱՆ ՈԼՈՐՏՈՒՄ ԲԱԶՄԱՄՅԱ ԲԱՐԵՓՈԽՈՒՄՆԵՐԸ ՉԵՆ ՕԳՆԵԼ: ENPI FLEG ԾՐԱԳԻՐՆ ԵԶՐԱԿԱՑՐԵԼ Է, ՈՐ ԱՆՀՐԱԺԵՇՏ ԵՆ ՆՈՐ ԲԱՐԵՓՈԽՈՒՄՆԵՐ

Էկոլուր

Տեղական և միջազգային փորձագետների կարծիքով Հայաստանում անտառտնտեսության ոլորտում գործող ինստիտուցիոնալ համակարգը և օրենսդրությունը չեն կարող կանխել անտառային ապօրինի հատումները: Ըստ նրանց` անհրաժեշտ է շուտափույթ բարեփոխումներ իրականացնել այդ ոլորտում:
 
Նմանատիպ բարեփոխումներ Հայաստանում մեկնարկել է միջազգային «Եվրոպական հարեւանության քաղաքականության արեւելյան երկրների եւ Ռուսաստանի անտառային օրենսդրության կիրարկման եւ անտառային ոլորտի կառավարման բարելավում» (ENPI FLEG) ծրագիրը: Ծրագիրը իրանացվում է Համաշխարհային բանկի, Բնության պահպանության միջազգային միության (IUCN) եւ Բնության համաշխարհային հիմնադրամի (WWF) կողմից` Եվրոպական միության ֆինանսական աջակցությամբ:

Հայաստանում անտառային ոլորտին ENPI FLEG-ի տրված գնահատականում ասվում է, որ ՀՀ կառավարությունը մի շարք փաստաթղթեր է վավերացրել անտառային կառավարման ոլորտում, ինչպես օրինակ «ՀՀ անտառների ազգային ռազմավարությունը և քաղաքականությունը» և «Ապօրինի անտառահատումների խնդիրի լուծմանն ուղղված միջոցառնումերի ծրագիրը»: 2005 թ. ստեղծվել է Անտառի մոնիտորինգի պետական կենտրոնը:

ENPI FLEG-ի գնահատականում նաև նշվում է, որ պարզ չի, թե կոնկրետ որ կառույցն է պատասխանատու ապօրինի անտառահատումների համար` ՀՀ Գյուղատնտեսության նախարարությունը, թե Բնապահպանության նախարարության բնապահպանական պետական տեսչությունը, ինչն ավելի է խորացրել ապօրինի անտառհատումների խնդիրը:

Ծրագրի շրջանակներում աշխատանքային հանդիպման ժամանակ այս և այլ խնդիրների քննարկման արդյունքում մշակվել է գործողությունների ծրագիր, որի մեջ ներառվել են հետևյալ գործողությունները.

•    Կոռուպցիայի մակարդակի վերլուծություն և անտառային սեկտորի կառավարման ոլորտի իրավիճակի արտացոլում
•    Անտառօգտագործման այընտրանքային եղանակների առաջարկների վերլուծություն
•    Տեղական բնակչության վառելիքային ռեսուրսների մատչելիությունը վերլուծություն
•    Անտառի կառավարման և սերտիֆիկացիայի համակարգային շղթայի ներմուծում
•    Անտառօգտագործման ոլորտում ներգրավված բիզնեսի գնահատում
•    Հայանտառ ՊՈԱԿ-ի կազմի մեջ մտնող անտառային արգելավայրերի գնահատում
•    Կրթական ծրագրերի մշակում

Մայիս 13, 2010


Առնչվող նյութեր


Կատեգորիա

ավելին
պակաս

Մարզեր