ԷկոԼուր
ԱՄՆ-ում դեռեւս գործում է 1872թ. ընդունված «Հանքարդյունաբերության մասին» օրենքը: Ներկայումս այդ օրենքը մեծ հնարավորություններ է տալիս ժամանակակից հանքարդյունաբերական ընկերություններին, որպեսզի նրանք երկրի արեւմուտքում պետական հողերը վերցնեն եւ պետությանը գրեթե առանց շահույթ տալու հանգիստ շահագագործեն: Այս մասին «ԷկոԼուր»-ի հետ զրույցում ասաց ամերիկյան Բնապահպանական լրագրողների ընկերության տնօրենների խորհրդի անդամ Ռոբերտ Մքլյուրը:
«Օրենքն ընդունվել է այն ժամանակ, երբ մարդիկ կացիններով եւ քլունգներով էին գնում հանքագործության: Մինչդեռ այսօր արդեն հանքարդյունաբերական ընկերությունները սարեր են փոշի դարձնում, ցիանիդի կալիումով թունավորում են օդը, որպեսզի հանքաքարից ոսկի կորզեն: Դժբախտաբար հանքարդյունաբերական ընկերությունները կոնգրեսում հսկայական ուժ ունեն եւ, այդ օրենքի բարեփոխություն մենք մինչեւ այսօր չենք տեսնում»,- ասաց Ռոբերտ Մքլյուրը:
Հունիս 11, 2010
