ԴՍԵՂՑԻՆԵՐԸ 30 ԱՇԽԱՏԱՏԵՂԻ ՀԱՄԱՐ ՀԱՄԱՁԱՅՆԵՑԻՆ ՎՏԱՆԳԱՎՈՐ ՆԱԽԱԳԾԻՆ

ԴՍԵՂՑԻՆԵՐԸ 30 ԱՇԽԱՏԱՏԵՂԻ ՀԱՄԱՐ ՀԱՄԱՁԱՅՆԵՑԻՆ ՎՏԱՆԳԱՎՈՐ ՆԱԽԱԳԾԻՆ

Նաիրա Բուլղադարյան, Antarner.net

Եթե Կառավարությունը դրական գնահատի հանքարդյունաբերության ընկերության նախագիծը, Դսեղում առաջիկա 25 տարում շահագործման կհանձնվի, այսպես կոչված, դոլերիտային բազալտի հանքավայրը:

Հանքավայրը շահագործելու հայտ ներկայացրած «Գայանե Նաղդալյան» ՍՊԸ-ն Դսեղում հասարակական լսում էր կազմակերպել՝ ակնկալելով բնակչության համաձայնությունը: 1700 ընտրող ունեցող գյուղից 20 մարդ մասնակցեց լսմանն ու առանց նախագծին ծանոթանալու՝ համաձայնություն տվեց:

Ընկերության նախագահ Արտյոմ Ադամյանին հասարակական լսման մասնակիցները վստահեցնում էին, թե հանուն 30 նոր աշխատատեղի իրենք եւս կաջակցեն նրան:

Ընկերությունը շուրջ 4 հեկտար տարածքում հանքը բաց եղանակով է շահագործելու:

Բնապահպաններն հանքի շահագործման բաց տարբերակը, որն էժան է, քան՝ փակ մեթոդով հանքավայրը շահագործելը, համարում են շրջակա միջավայրի համար վտանգավոր:

«Շրջակա անտառը կհատվի, աղբյուրները կցամաքեն, կենդանական աշխարհը կանհետանա»,-ասում է «Կանաչների կուսակցության նախագահ» Արմենակ Դովլաթյանը:

«Գայանե Նաղդալյան» ընկերության նախագիծը դեռ պետք է ուսումնասիրի ու գնահատի նաեւ բնապահպանության նախարարությունը:

Հանքավայրը շահագործելու վերաբերյալ ընկերությունը արտոնագիր է ստացել Էներգետիկայի եւ բնակական պաշարների նախարարությունից:

Օգոստոս 10, 2010


Առնչվող նյութեր


Կատեգորիա

ավելին
պակաս

Մարզեր