Թեղուտի ծրագրի մեկնարկը զգալիորեն կավելացնի Հայաստանի արտահանման պոտենցիալը

Դելովոյ Էքսպրես

Թեղուտի լեռնահարստացուցիչ կոմբինատի կառուցման եւ Թեղուտի պղնձամոլիբդենային հանքավայրի շահագործման ծրագրում կներդրվի ընդհանուր առմամբ 350 միլիոն դոլլար: Այդ մասին հայտարարեց «Vallex Group»-ի նախագահ Վալերի Մեջլումյանը: Նա հայտնեց, որ ընկերությունը շինարարական աշխատանքների համար արդեն իսկ ներդրել է 100 միլիոն դոլլար: «Մնացած 250 միլիոն դոլլարը կյուրացվեն հաջորդ 2 տարիների ընթացքում, ինչից հետո կսկսի պղնձային խտանյութից պղնձի արտադրությունը, հույս ունեմ, տարեկան ավելի քան 200 միլիոն դոլլարի ծավալով»,- ասաց Մեջլումյանը: 

…Արտադրված պղինձն ամբողջությամբ արտահանվելու է Գերմանիա: «Մենք արդեն տասնհինգ տարուց ավելի է` աշխատում ենք պղնձի գերմանացի խոշոր արտադրողի` «Aurubis» ընկերության հետ»,- նշեց «Vallex Group»-ի նախագահը: Հիշեցնենք, որ դեռ 2008թ. մայիսին ռուսական ՎՏԲ բանկի եւ ACP ընկերության (մտնում է Vallex խմբի մեջ) միջեւ ստորագրվեց 249,5 միլիոն դոլլարի վարկային համաձայնագիր` Թեղուտի ծրագրի իրականացման համար, սակայն, ինչպես հայտնեցին «Vallex Group» ընկերությունում, այդ փաստաթուղթը չեղյալ է համարվել, սակայն բանկի հետ կնքվել է երկարաժամկետ համաձայնագիր, որի գումարը չի բացահայտվում:

Սեպտեմբեր 28, 2011 at 14:36