ՌՈՒՍՆԵՐԸ ՈՒՐԱՆ ԵՆ ՓՆՏՐՈՒՄ ՈՉ ՄԻԱՅՆ ՀԱՅԱՍՏԱՆՈՒՄ, ԱՅԼԵՎ ԱՄՆ-ՈՒՄ

ՌՈՒՍՆԵՐԸ ՈՒՐԱՆ ԵՆ ՓՆՏՐՈՒՄ ՈՉ ՄԻԱՅՆ ՀԱՅԱՍՏԱՆՈՒՄ, ԱՅԼԵՎ ԱՄՆ-ՈՒՄ

News.am

Ամերիկյան իշխանությունները թույլատրել են «Ռոսատոմի» դուստր Атомредмедзолото ընկերությանը գնել կանադական Uranium One ընկերության բաժնետոմսերի հսկիչ փաթեթը։ Այդ մասին հաղորդում է «Կոմերսանտ» թերթը։ Կանադական այդ ընկերությանն են պատկանում ամերիկյան Վայոմինգ նահանգի մի շարք ուրանի հանքավայրերի շահագործման լիցենզիաները։ Գործարքի համար ռուսական ընկերությունը վճարել է 610 մլն դոլար եւ կանադական ընկերությանն է փոխանցել ղազախական 2 ուրան արդյունահանող ընկերություններում իր փայաբաժինը (50 տոկոս «Ակբաստաու»-ից եւ 49,7 տոկոս «Զարեչնոե»-ից):

Հիշեցնենք, որ «Ռոսատոմը» Հայաստանի կառավարության հետ համատեղ փորձում է շահագործել նաեւ Սյունիքի Լեռնաձոր համայնքի մոտակայքում գտնվող ուրանի հանքավայրը, ինչը հարուցելէ բնապահպանական կազմակերպությունների եւ տեղական իշխանությունների հակազդեցությունը։

Ուրանի նկատմամբ Ռուսաստանի հետաքրքրությունը մեծ է այն պատճառով, որ երկիրը պատրաստվում է 18 նոր ատոմակայան կառուցել, սակայն իր ռեսուրսների հաշվին կարող է բավարարել միջուկային վառելիքի նկատմամբ պահանջարկի միայն 30 տոկոսը։ Այդ պատճառով «Ռոսատոմը» մեծ հետաքրքրություն է ցուցաբերում արտասահմանյան հանքավայրերի նկատմամբ։

Նշենք, որ ամերիկյան կողմը դեռեւս «Ռոսատոմին» արդյունահանված ուրանը արտահանելու թույլտվություն չի տվել, սակայն չի բացառվում, որ հետագայում այդ թույլտվությունը լինի։

Նոյեմբեր 30, 2010


Առնչվող նյութեր


Կատեգորիա

ավելին
պակաս

Մարզեր