

PanARMENIAN.Net
Հայաստանի կառավարությունը դեկտեմբերի 3-ին հավանության արժանացրեց հայ-ռուսական համատեղ ընկերություն ստեղծելու որոշումը, որը զբաղվելու է ԱԷԿ-ի նոր բլոկի կառուցմամբ:
Նոր ՓԲԸ-ն ստեղծվելու է Հայաստանի էներգետիկայի նախարարության եւ ռուսական «Ատոմստրոյէքսպորտ» ընկերության համատեղ մասնակցությամբ` 50% - 50% հարաբերությամբ մասնաբաժիններով:
Հայաստանի էներգետիկայի նախարար Արմեն Մովսիսյանի խոսքերի համաձայն, նոր ընկերության կանոնակարգված կապիտալը կազմելու է 60 մլն դրամ: «Հայկական կողմի կանոնակարգված կապիտալի մասնաբաժինը 30 մլն դրամի չափով պետք է ապահովվի Հայաստանի էներգետիկ ոլորտից ընկերության ստացվող եկամուտներով», - ասել է նա: Հայկական կողմի բաժնետոմսերը այդ նոր ստեղծվող ընկերությունում տնօրինելու է Հայաստանի էկոնոմիկայի նախարարությունը:
Արմեն Մովսիսյանը հայտնեց, որ նոր էներգաբլոկի հզորությունը կազմելու է 1060 ՄՎտ` 60 տարի օգտագործման ժամկետով, իսկ անվտանգության մակարդակը համապատասխանելու է եվրոպական չափանիշներին:
ՄԻՋՈՒԿԱՅԻՆ ԷՆԵՐԳԱԲԼՈԿԻ ՌԵԱԿՏՈՐԱՅԻՆ ԿՂԶՅԱԿԸ ԿԿԱՀԱՎՈՐԻ ՌԴ-Ի ԱՋԱԿՑՈՒԹՅԱՄԲ
Հետք
Այսօր նիստում, հիմք ընդունելով «Ուորլի Պարսոնս» կառավարող ընկերության վերլուծության արդյունքները, կառավարությունը հավանություն է տվել Հայաստանում կառուցվող նոր միջուկային էներգաբլոկի ռեակտորային կղզյակը Ռուսաստանի Դաշնության ջրաջրային էներգետիկական ռեակտորային տեղակայանքով (ԱԷԿ-92 նախագիծը, հզորությունը` 1060 ՄՎտ, շահագործման ժամկետը 60 տարի, ստացել է անվտանգության եվրոպական սերտիֆիկատ) կահավորելուն։
Վարչապետ Տիգրան Սարգսյանն արձանագրել է մեր երկրում միջուկային նոր էներգաբլոկ կառուցելու սահուն գործընթացը եւ ռուսական գործընկերների հետ արդյունավետ համագործակցելու իրողությունը։ Այս մասին տեղեկացնում է կառավարության կայքէջը:
Դեկտեմբեր 08, 2009
