

Հարգարժան պարոն Գալստյան,
Հաշվի առնելով այն, որ
• պետությունը «Հայ-ռուսական լեռնահանքային կազմակերպություն» ՓԲԸ-ի 50% բաժնետոմսերի սեփականատերն է եւ իր վրա պարտավորություն է վերցրել վերահսկելու «Հայ-ռուսական լեռնահանքային կազմակերպություն» ՓԲԸ-ի գործունեությունը,
• պայմանագրի համաձայն` «Հայ-ռուսական լեռնահանքային կազմակերպություն» ՓԲԸ-ն Հայաստանի ամբողջ տարածքում իրականացնում է ուրանի հանքավայրերի հետախուզման եւ հնարավոր շահագործման գործունեություն,
• Ճամբարակում եւ Մարտունիում (Գեղարքունիքի մարզ) տեղական հասարակայնության եւ բնակչության ներկայացուցիչները սարսափի մեջ են Միափորի Գետիկի իջվածքի շրջանում հնարավոր ռադիոակտիվ ճառագայթման պատճառով,
• ճառագայթային աղտոտումը մեծ վտանգ է ներկայացնում առողջության եւ շրջակա միջավայրի համար
• Ճամբարակում եւ Մարտունիում (Գեղարքունիքի մարզ) տեղի բնակչությունը զրկված է էկոլոգիական տեղեկատվությունից,
եւ ղեկավարվելով «Հայ-ռուսական լեռնահանքային կազմակերպություն» ՓԲԸ-ի եւ ՀՀ էներգետիկայի եւ բնական պաշարների նախարարության ղեկավարների հայտարարությամբ` ապահովել կազմակերպության գործունեության թափանցիկությունը, լայն հասարակայնությանը ներկայացնել ճառագայթային ռիսկերից զերծ մնալու երաշխիքներ,
«ԷկոԼուր»-ը խնդրում է Ձեզ, կամ Ձեր կողմից լիազորված պատասխանատու անձանց` տեղեկատվություն տրամադրել այն մասին, թե արդյոք «Հայ-ռուսական լեռնահանքային կազմակերպություն» ՓԲԸ-ն մտադիր է հետագա գործունեություն ծավալել Հայաստանի Միափորի Գետիկի իջվածքում, եւ եթե այո, ապա նշել այդ գործունեության ժամկետներն ու ծավալները:
Այն դեպքում, եթե ուրանային դրսեւորումները Միափորի Գետիկի իջվածքում արդյունաբերական հետաքրքություն չներկայացնեն, խնդրում ենք Ձեզ` որպես կազմակերպության, որը պատասխանատու է ուրանային հանքավայերին եւ ուրանային դրսեւորումներին առնչվող ողջ գործունեության համար, մոտակա ժամանակահատվածում Միափորի Գետիկի իջվածքում, Ճամբարակ եւ Մարտունի համայնքներում ճառագայթային ֆոնի մոնիտորինգ անցկացնել, հայտնաբերել հնարավոր ռիսկերը եւ տեղեկատվություն տրամադրել լայն հասարակայնությանը`մասնավորապես տեղի բնակչությանը:
Ստորեւ կցում ենք Ճամբարակ եւ Մարտունի համայնքներում ուրանային ծրագրի քննարկման վերաբեյալ տեղեկակատվական նյութը:
Ապրիլ 29, 2010
