«ՆՈՒԲԱՐԱՇԵՆԻ ԹՈՒՆԱՔԻՄԻԿԱՏՆԵՐԻ ԳԵՐԵԶՄԱՆՈՑԸ ԾԱԾԿՎԵԼ ԵՎ ՇՐՋԱՓԱԿՎԵԼ Է»

Panorama.am

Լրագրողների հետ հանդիպման ժամանակ Արտակարգ իրավիճակների նախարար Արմեն Երիցյանը, խոսելով Նուբարաշենի թունաքիմիկատների մասին, ասաց, որ այսօր խնդրի առաջին անվտանգության փուլը լուծվել է, տարածքը ծածկվել և շրջափակվել է:

«Կոմունիստների օրոք թունաքիմիկատները թաղել են, սակայն չեն ուսումնասիրել, որ այդ տարածքը գտնվում է ակտիվ սողանքային գոտում: Այսօր մենք այնտեղ որոշակի աշխատանքներ ենք տարել և նորից թաղել ենք թունաքիմիկատները: Սակայն առաջիկայում մենք նախատեսում ենք թունաքիմկատները հանել և պահեսատվորել, սակայն դա պետք է իրականացվի միջազգային կազմակերպությունների ջանքերով»,- տեղեկացրեց նա:

Նախարարը նաև ավելացրեց, որ թունաքիմիկատների արտաբերման, տեղափոխման, և ոչնչացման բարդ ու վտանգավոր աշխատանքները կազմակերպելու համար միջազգային մի շարք կազմակերպություններ ու երկրներ արդեն իսկ մեր երկրին աջակցելու իրենց համաձայնությունն են տվել:

Հունիս 30, 2010


Առնչվող նյութեր


Կատեգորիա

ավելին
պակաս

Մարզեր