Շուրջ 68 միլիոն դրամի վնաս՝ շրջակա միջավայրին

Շուրջ 68 միլիոն դրամի վնաս՝ շրջակա միջավայրին

ՀՀ բնապահպանության և ընդերքի տեսչական մարմինը 2020թ․ մայիսի 11-ից հունիսի 5-ն ընկած ժամանակահատվածում արձանագրել է 137 դեպք, որից 83 դեպքով հաշվարկվել է 67.868.400 դրամի չափով շրջակա միջավայրին հասցված վնաս, 62 դեպքով նշանակվել է 4.400.000 դրամի չափով վարչական տուգանք։ ՀՀ Արդարատության նախարարության Հարկադիր կատարումն ապահովող ծառայություն է ուղարկվել 14 գործ (1.625.500 դրամի չափով վարչական տուգանք):

Նշված ժամանակահատվածում ՀՀ պետական բյուջե է մուտքագրվել 1.638.000 դրամ:

Բուսական աշխարհի պահպանության ոլորտ

Արձանագրվել է 90 դեպք, 77-ով հաշվարկվել է 66․457․400 դրամի չափով շրջակա միջավայրին հասցված վնաս, 20-ով նշանակվել 2.020.000 դրամի չափով վարչական տուգանք։

Կենդանական աշխարհի պահպանության ոլորտ

Արձանագրվել է 14 դեպք, 3-ով հաշվարկվել է 566.000 դրամի չափով շրջակա միջավայրին հասցված վնաս, 11-ով նշանակվել 570.000 դրամի չափով վարչական տուգանք։

Մթնոլորտային օդի և ջրերի պահպանության, թափոնների տեղաբաշխման, հողերի օգտագործման և պահպանման ոլորտ

Արձանագրվել է 5 դեպք, 2-ով հաշվարկվել է 795.000 դրամի չափով շրջակա միջավայրին հասցված վնաս, 3-ով նշանակվել 200.000 դրամի չափով վարչական տուգանք։

Պետական փորձաքննություններ

Առանց շրջակա միջավայրի վրա ազդեցության և գնահատման փորձաքննության շինարարական աշխատանքների իրականացման 1 դեպքով նշանակվել է 100.000 դրամի չափով վարչական տուգանք։

Ընդերքի պահպանության ոլորտ

Արձանագրվել է 2 դեպք, 1-ով հաշվարկվել է 50.000 դրամի չափով շրջակա միջավայրին հասցված վնաս, 2-ով նշանակվել 160.000 դրամի չափով վարչական տուգանք:

Հաշվետվությունների սահմանված ժամկետում չներկայացում

Բնապահպանական հարկի և բնօգտագործման վճարի միասնական եռամսյակային հարկային հաշվարկները սահմանված ժամկետում չներկայացնելու համար արձանագրված իրավախախտման 25 դեպքով նշանակվել է 1.350.000 դրամի չափով վարչական տուգանք։

 

Հուլիս 08, 2020 at 16:10


Առնչվող նյութեր


Կատեգորիա

ավելին
պակաս

Մարզեր