Դադարեցվել է «Խոսրովի անտառ» մուտք գործելու թույլտվության տրամադրումը

Դադարեցվել է «Խոսրովի անտառ» մուտք գործելու թույլտվության տրամադրումը
Շրջակա միջավայրի նախարարությունը ժամանակավորապես դադարեցրել է «Խոսրովի անտառ» պետական արգելոց մուտքի կազմակերպման և թույլտվությունների տրամադրման գործընթացը: Այս մասին տեղեկանում ենք Շրջակա միջավայրի նախարարության պաշտոնական կայքից:

«Հաշվի առնելով ՀՀ կառավարության կողմից սեպտեմբերի 27-ին հայտարարված ռազմական դրության ռեժիմը, Շրջակա միջավայրի նախարարության կողմից որոշում է կայացվել ժամանակավորապես՝ մինչև ռազմական դրության ավարտը, դադարեցնել «Խոսրովի անտառ» պետական արգելոց մուտքի կազմակերպման և թույլտվությունների տրամադրման գործընթացը: 
Հորդորում ենք ՀՀ բոլոր քաղաքացիներին զերծ մնալ վերոհիշյալ տարածք մեկնելուց և կարգը շրջանցելով մուտք չգործել արգելոցի տարածք։ 
Հավելյալ տեղեկատվություն կտրամադրենք հընթացս»,- նշված է պաշտոնական հաղորդագրության մեջ։  

Սեպտեմբեր 30, 2020 at 16:08


Առնչվող նյութեր


Կատեգորիա

ավելին
պակաս

Մարզեր