Շրջակա միջավայրին պատճառված վնասի համար պետական բյուջե վճարվել է 2.3 միլիոն դրամ

Շրջակա միջավայրին պատճառված վնասի համար պետական բյուջե վճարվել է  2.3 միլիոն դրամ

ԷկոԼուր

Բնապահպանական պետական տեսչության կողմից 08.01-01.02.2013թթ ժամանակահատվածում հայտնաբերված  խախտումների վերաբերյալ կայացվել է  910.0 հազար դրամի ընդհանուր գումարով վարչական տուգանքի 15 որոշում և հաշվարկվել շուրջ 1.26 միլիոն դրամի ընդհանուր գումարի շրջակա միջավայրին հասցված վնաս:    Ընդհանուր առմամբ բնապահպանական պետական տեսչության կողմից կիրառված պատժամիջոցներից ՀՀ պետական բյուջե նշված ժամանակահատվածում մուտք է եղել  2.3 միլիոն դրամի գումար:  Այս մասին տեղեկացնում է Բնապահպանության նախարարության հասարակայնության հետ կապերի բաժինը:

Մարզերում հայտնաբերված խախտումների մասին նախարարության հաղորդագրության մեջ ասված է.“Բուսական աշխարհի պահպանության ոլորտ

Տավուշի տարածքային բաժնի վարույթին հանձնված ապօրինի ծառահատման 4 գործով    հաշվարկվել է 757.5 հազ,դր ընդհանուր  գումարի բնությանը պատճառված վնաս:

Սյունիքի տարածքային բաժնի աշխատակիցների կողմից հայտնաբերված ապօրինի ծառահատման  գործով  1 ֆիզիկական անձի նկատմամբ կայացվել է վարչական տուգանքի որոշում 50.0 հազ.դր. գումարի չափով:

Լոռու տարածքային բաժնի վարույթին հանձնված ապօրինի ծառահատման 4 գործով 4 ֆիզիկական անձի նկատմամբ կայացվել է 200.0 հազ.դր. ընդհանուր գումարի վարչական տուգանքի 4 որոշում և հաշվարկվել է 402.0 հազ. դր ընդհանուր  գումարի բնությանը պատճառված վնաս:   

Հողերի պահպանության ոլորտ

Կոտայքի տարածքային բաժնի աշխատակիցների կողմից շրջայցերի ընթացքում հայտնաբերված խախտման  համար 1 ֆիզիկական անձի նկատմամբ կայացվել է 80.0հազ.դր. ընդհանուր գումարի վարչական տուգանքի 1 որոշում:

Հաշվետվությունները սահմանված ժամկետում չներկայացնելու համար

Արագածոտնի տարածքային բաժնի կողմից 2 տնտեսվարողների նկատմամբ կայացվել է 100.0հազ.դր ընդհանուր գումարի վարչական տուգանքի 2 որոշում: 

Արմավիրի տարածքային բաժնի կողմից 3 տնտեսվարողների  նկատմամբ կայացվել է 150.0հազ.դր ընդհանուր գումարի վարչական տուգանքի 3 որոշում:                                                                       

Արարատի տարածքային բաժնի  կողմից  1 տնտեսվարողի  նկատմամբ կայացվել է 50.0հազ.դր գումարի վարչական տուգանքի  որոշում:

Փայտանյութի ապօրինի տեղափոխում

Անտառների վերահսկողության բաժնի աշխատակիցների կողմից  հայտնաբերված խախտման համար 1 ֆիզիկական անձի նկատմամբ կայացվել է  60.0հազ.դր գումարի վարչական տուգանքի որոշում և հաշվարկվել է 100.0հազ.դր գումարի շրջակա միջավայրին հասցված վնաս:

Ապօրինի որս

Վայոց ձորի տարածքային բաժին աշխատակիցների կողմից հայտնաբերված խախտման համար 1 ֆիզիկական անձի նկատմամբ կայացվել է վարչական տուգանքի որոշում 150.0 հազ.դր. գումարի չափով և հաշվարկվել է  4.0 հազ.դր. գումարի շրջակա միջավայրին պատճառված վնաս:

Արարատի տարածքային բաժնի աշխատակիցների կողմից հայտնաբերված խախտման համար 1 ֆիզիկական անձի նկատմամբ կայացվել է 70.0 հազ.դր գումարի վարչական տուգանքի որոշում”:

Փետրվար 04, 2013 at 13:51


Առնչվող նյութեր


Կատեգորիա

ավելին
պակաս

Մարզեր