Հայաստանում միջոցներ են ձեռնարկվում հողերի էրոզիան եւ դեգրադացիան հաղթահարելու ուղղությամբ

Հայաստանում միջոցներ են ձեռնարկվում հողերի էրոզիան եւ դեգրադացիան հաղթահարելու ուղղությամբ

ԷկոԼուր

Հայաստանում կմեկնարկի «Հողերի էրոզիայի ինտեգրված վերահսկողություն Հարավային Կովկասի լեռնային տարածքներում» ծրագիրը: Ծրագիրը մարտի 20-ին քննարկվել է ՀՀ տարածքային կառավարման նախարարությունում: Քննարկմանը ներկա են եղել ՀՀ գյուղատնտեսության նախարարության, Արագածոտնի, Շիրակի մարզպետարանների, շահագրգիռ կազմակերպությունների ներկայացուցիչներ: Այս մասին տեղեկացնում է ՀՀ տարածքային կառավարման նախարարության տեղեկատվության եւ հասարակայնության հետ կապերի վարչությունը:

Ծրագիրը նպատակ ունի  համակարգված միջոցառումների միջոցով հաղթահարել հողերի էրոզիան եւ դեգրադացիան` պահպանելով կենսաբազմազանությունը: Նախատեսվում է Արագածոտնի եւ Շիրակի մարզերում ուսումնասիրել եւ գնահատել հողերի էրոզիականությունը եւ ռիսկերը, դրանց հիման վրա մշակված միջոցառումների ծրագրով նպաստել հողաշերտերի վերականգնմանը եւ արդյունավետ օգտագործմանը: Ծրագիրը ենթադրում է ոչ միայն տեխնիկական գործողությունների իրականացում, այլեւ իրավական, ինստիտուցիոնալ բարեփոխումներ եւ նոր տեխնիկական լուծումներ:

Տարածքային կառավարման նախարարի առաջին տեղակալ Վաչե Տերտերյանը կարեւորել է ծրագրի իրականացումը` ընդգծելով հատկապես դրա նշանակությունը բարձր լեռնային շրջաններում հողային պաշարների բարելավման եւ արդյունավետ կառավարման տեսանկյունից:

Ծրագիրը Հայաստանում նախատեսվում է իրականացնել 2014-2016 թթ-ին` GIZ/ADA եւ ՀՀ կառավարություն համագործակցությամբ:

Լուսանկարը` emanuelagjoyan.blogspot.com

Մարտ 21, 2014 at 16:11


Առնչվող նյութեր


Կատեգորիա

ավելին
պակաս

Մարզեր