ԷկոԼուր
2017 թվականին կանտառապատվի 155 հա տարածք: Նախատեսվում է ավարտին հասցնել Սևանա լճին հարակից 20 և Երևանի Նուբարաշեն վարչական շրջանին հարակից 35 հեկտար տարածքների անտառապատման աշխատանքները, անտառտնկումներ և ցանկապատման աշխատանքներ իրականացնել Հրազդանի անտառտնտեսության 100 հա տարածքում:
Այս մասին հայտնել է ՀՀ անտառների վերականգնման և զարգացման հիմնադրամի գործադիր տնօրեն Յուրի Ջավադյանը Հիմնադրամի հոգաբարձուների խորհրդի նիստում:
Նիստում քննարկվել են Հիմնադրամի 2016 թ. գործունեության և ֆինանսատնտեսական հաշվետվությունները, անտառների պահպանությանը, վերականգնմանը և նոր անտառների ստեղծմանը վերաբերող հարցեր:
ՀՀ վարչապետ Կարեն Կարապետյանը կարևորել է հանրապետությունում անտառների վերականգնման ուղղությամբ շարունակական և հետևողական աշխատանքների իրականացումը:
Ապրիլ 27, 2017 at 14:52