ՀՀ Ազգային ժողովն առաջին ընթերցմամբ ընդունեց Սևանա լճից մինչև 75 միլիոն խմ հավելյալ ջրառի մասին օրենքի նախագիծը 64 կողմ, 19 դեմ և 1 ձեռնպահ ձայների հարաբերակցությամբ: Այնուհետև հայտարարվեց ընդմիջում, որի ընթացքում պատգամավորները կարող են հանդես գալ գրավոր առաջարկներով: Օրենքի նախագիծը այսօր պետք է ներկայացվի նաև երկրորդ ընթերցման:
Օգոստոսի 16-ի դրությամբ Սևանա լճից բաց է թողնվել 168.244 միլիոն խմ ջուր: Լճի մակարդակը օգոստոսի 17-ի դրությամբ կազմում է 1900.67մ, նախորդ տարի նույն օրը այն կազմել է 1900.72մ:
Օգոստոս 17, 2021 at 15:49