Սևանա լճի մակարդակը շարունակում է իջնել: Օգոստոսի 24-ի դրությամբ այն կազմում է 1900,65 մ և 5 սմ-ով ցածր է նախորդ տարվա նույն օրվա ցուցանիշից: Այս տարի լճի մակարդակն իր ամենաբարձր՝ 1900.91 մ նիշին էր հասել հունիսի 8-ի դրությամբ, այնուհետև մակարդակը սկսեց իջնել: Արդեն իջել է 26-սմ-ով: Հիշեցնենք, որ ըստ փորձագիտական հաշվարկների, յուրաքանչյուր սանտիմետրը 13 միլիոն խմ ջուր է: Ստացվում է, որ լիճը հունիսի 8-ից մինչ օրս կորցրել է 338 միլիոն խմ ջուր:
Այս օրերին շարունակվում է լճից հավելյալ ջրառը: Օգոստոսի 23-ի դրությամբ Սևանից բաց է թողնվել 181.012 միլիոն խմ ջուր: Արփա-Սևան թունելով լիճ է ներհոսել 134.801 միլիոն խմ ջուր
Օգոստոս 24, 2021 at 19:22