Միասին կանգնեցնենք Սեւանա լճի դեմ իրականացվող հանցագործությունները

Միասին կանգնեցնենք Սեւանա լճի դեմ իրականացվող հանցագործությունները

ԷկոԼուր

Մինչ ՀՀ բնապահպանության նախարար Արամ Հարությունյանը վստահեցնում է, թե Սեւանի ջուրը մաքրվում է, սակայն նույնիսկ ոչ մասնագետների համար տեսանելի է, որ հանքարդյունաբերությունը սպանում է Սեւանը: Իշխանությունները չեն արձագանքում էկոլոգների ահազանգերին, մինչդեռ Սեւանում անցկացված ակցիայի մասնակիցներին` «ԷկոԼուր» տեղեկատվական ՀԿ-ին, «Թռչնասերների կենտրոն» ՀԿ-ին, «Հայաստանի կանաչների միություն» ՀԿ-ին, Հելսինկյան քաղաքացիական ասամբլեայի հայկական կոմիտեին, «Քաղաքացիական ազգային նախաձեռնություն» ՀԿ-ին, «Էկոդար» ՀԿ-ին, Հայկական տեխնոլոգիական ակադեմիային, «Ա1+»-ին, «Հիմա» քաղաքացիական նախաձեռնությանը շարունակում են միանալ քաղաքացիական նախաձեռնություններ, կազմակերպություններ, անհատներ: Նրանք են` Դիլիջանի ակտիվիստները, Եղվարդի երիտասարդները, «Չենք լռելու» երիտասարդական նախաձեռնությունը, «Քայլ» համայնքային զարգացմանն աջակցող ՀԿ-ն, 1in.am «Առաջին լրատվական»-ը, www.asekose.am կայքը, «9-րդ հրաշալիք» շաբաթաթերթը:

Սեւանա լճի ավազանում գործող Սոտքի ոսկու հանքավայրի, Շորժայի եւ Ջիլիզայի դունիտ-պերիդոտների հանքավայրի տոքսիկ նյութերն ամեն ժամ թունավորում են Սեւանա լիճը: Գեղարքունիքի մարզում հանքարդյունաբերական գործունեության համար տրվել է առնվազն 20 արտոնագիր, եւս 27 արտոնագիր տրվել է օգտակար հանածոների հետախուզման համար: Եթե հանքարդյունաբերական գործունեությունը Սեւանա լճի ավազանում շարունակվի նման տեմպերով, մի քանի տարի հետո Սեւանից միայն Ս-ն կմնա, լիճը կվերածվի պոչամբարի:

Համախմբվենք, թույլ չտանք մեր լճի կործանումը: Ջուրը կյանք է: Չկա Սեւան, չկա Հայաստան:

Միացեք մեզ, միասին կանգնեցնենք Սեւանա լճի դեմ իրականացվող հանցագործությունները:

Հոկտեմբեր 31, 2011 at 17:23


Առնչվող նյութեր


Կատեգորիա

ավելին
պակաս

Մարզեր