Սեւանա լճի ափերը լճի մակարդակի բարձրացմանը նախապատրաստելու միջոցառումներից կառավարությունն իրականացնում է միայն մեկը

Սեւանա լճի ափերը լճի մակարդակի բարձրացմանը  նախապատրաստելու միջոցառումներից կառավարությունն իրականացնում է միայն մեկը

ԷկոԼուր

ՀՀ կառավարությունը միջոցառումների այն ողջ ցանկից, որոնք պետք է ուղղված լինեն Սեւանա լճի ափերը ջրի մակարդակի բարձրացմանը նախապատրաստելուն, ամեն տարի ընտրում է միայն  մեկը, ափերի մաքրումը անտառից եւ պետական բյուջեից այդ նպատակով տարեկան դուրս է գրում մոտ 130 միլիոն դրամ: Դրա հետ մեկտեղ այս ուղղությամբ տարվող աշխատանքների մասշտաբները շատ փոքր են:  Այսպես, 2014թ-ի մայիսից հուլիսն ընկած ժամանակահատվածում  մաքրվել է 35 հա տարածք:

Սեւանա լճի մակարդակը մինչեւ 1903.5 մ նիշը բարձրացնելու դեպքում  ջրի տակ կանցնեն մոտ 3500 հա անտառ, 1967 բնակելի շինություն, 806 վարձակալված հողատարածք,  15 կմ ճանապարհահատված, 18 կմ էլեկտրահաղորդիչ համակարգ, 19 կմ գազատար ու կայան: Սակայն այս ցուցակի վերաբերյալ ոչ մի միջոցառում բացի անտառատարածքների մաքրումից կառավարությունը չի նախատեսում: Պարզապես իջեցնում է Սեւանա լճի մակարդակը` մեծացնելով ջրբացթողումների ծավալը: Ինչ վերաբերում է ափերի մաքրմանը, ապա ԷկոԼուրը բազմիցս ահազանգեր է ստացել Գեղարքունիքի մարզից այն մասին, որ աշխատանքներն իրականացվում են խախտումներով, հատվում են որակյալ ծառերը, որոնք  վաճառվում են, իսկ արմատները թողնում են, իսկ հետո դրանք անցնում են ջրի տակ: Մաքրման աշխատանքների ծախսերը զգալիորեն աճում են եւ պատասխանատու ոչ մի անձի կողմից չեն փոխհատուցվում:  

Օգոստոս 13, 2014 at 13:19


Առնչվող նյութեր


Կատեգորիա

ավելին
պակաս

Մարզեր