

Ըստ հրամանի՝ 2023թ. փետրվարի 1-ից դեկտեմբերի 30-ը թույլատրվում է սիրողական ձկնորսության նպատակով որսալ կարմրախայտ, ծիածանախայտ ֆորել, կովկասյան թեփուղ, սպիտակ ամուր, սև ամուր, կուրի կողակ, կուրի բեղաձուկ, ճանար, արևելյան տառեխիկ, ծածան, սպիտակ հաստաճակատ, խայտաբղետ հաստաճակատ, արծաթափայլ կարաս, բրամ, լոքո և խեցգետին: Այս ձկնատեսակների նկատմամբ որսն արգելվում է դրանց ձվադրման ժամանակատվածում, իսկ խեցգետնի համար՝ Սևանա լճում և դրա բազմացման ժամանակահատվածում:
Սիրողական ձկնորսությունը կարելի է իրականացնել մեկ ձկնորսի համար միաժամանակ երկու որսամիջոցներով՝ կարթերով, յուրաքանչյուրը ոչ ավել, քան երկու կեռիկով: Իսկ խեցգետնի որսը կարելի է իրականացնել առավելագույնը երեք խեցգետնորսիչով՝ մինչև 70 սմ տրամագծով և 22 մմ ոչ պակաս խորշերով:
Կենդանատեսակների որսի թույլատրելի չափաքանակների ու բազմացման ժամանակատվածի վերաբերյալ տեղեկատվությունը հասանելի է՝ այստեղ:
Ըստ Շրջակա միջավայրի նախարարության հաղորդագրության՝ 2023թ. հունվարի 1-ից ուժի մեջ է մտել «Հարկային օրենսգրքում փոփոխություն և լրացում կատարելու մասին» օրենքի համապատասխան դրույթը, որի համաձայն՝ կենսաթոշակային տարիքի անձանց համար սիրողական ձկնորսության դեպքում բնօգտագործման վճար չի գանձում։ Կենսաթոշակային տարիքի հայտատուները պետք է ներկայացնեն կենսաթոշակի վկայականը կամ կենսաթոշակի գրքույկը և անձնագրի պատճեն։
2023թ. հունվարի 1-ից ուժի մեջ է մտել նաև «Պետական տուրքի մասին օրենքում լրացումներ կատարելու մասին» օրենքը, որի համաձայն՝ կենդանական աշխարհի օբյեկտների օգտագործման պայմանագրի կնքման
Միաժամանակ Գանձապետական միասնական հաշվի եկամտային մասում բացվել է «Կենդանական աշխարհի օբյեկտների օգտագործման պայմանագրերի կնքման համար» 900005002606 հաշվեհամար:
Հունվար 31, 2023 at 17:06