Խոսրովի արգելոցում հրդեհ եղե՞լ է, թե՞ չի եղել

ԷկոԼուր

«Խոսրովի անտառ» պետական արգելոցում տեղի ունեցած խոշոր հրդեհի մասին տարածված լուրերի մասին հակասական տեղեկատվություն է ստացվում: «ԷկոԼուր»-ի աղբյուրների համաձայն` հրդեհն ընդգրկել է 10 հա տարածք: Այրվել է մոտ 100 գիհի:

Այսօր «ԷկոԼուր»-ի հետ հեռախոսազրույցում Բնապահպանության նախարարությունից նշեցին, որ տեղեկատվություն կտրամադրեն այն ճշտելուց հետո:

Նշենք, որ հրդեհի օրը` հոկտեմբերի 9-ին, արգելոցի նախկին տնօրեն Վարանցով Բարսեղյանն արդեն ազատվել էր զբաղեցրած պաշտոնից, իսկ արգելոցի տնօրենի ժամանակավոր պաշտոնակատարն է Գ. Թամազյանը: Հենց Թամազյանն է պատասխանատու տարածքի անվտանգության, վնասի համար եւ այլն:

Հոկտեմբեր 18, 2012 at 17:09