«ԷկոԼուր» տեղեկատվական ՀԿ-ն դիմել է Գյումրու համայնքապետ Վարդգես Սամսոնյանին՝ պարզելու, թե Գյումրի «Կանաչ քաղաք» գործողությունների ծրագրի միջոցառումներից որոնք են կյանքի կոչվել, և որքանով է Գյումրին հասել ծրագրի միջնաժամկետ թիրախներին:
Ի պատասխան՝ Գյումրու համայնքապետարանից հայտնել են, թե ծրագրով նախանշված գործողություններից որոնք են իրագործվել և ինչ չափով:
Ստորև ներկայացնում ենք Գյումրի «Կանաչ քաղաք» գործողությունների ծրագրի միջոցառումները և Գյումրիի համայնքապետարանի պատասխանը։
ՇԵՆՔԵՐ, ԷՆԵՐԳԱՄԱՏԱԿԱՐԱՐՈՒՄ և ԼՈՒՍԱՎՈՐՈՒԹՅՈՒՆ
Էներգաարդյունավետության մասին իրազեկում և տեղեկատվության տարածում բնակելի հատվածում
Գյումրիի համայնքապետարան․
-USAID-ի հետ համատեղ մշակվել և հանրային լսումների ժամանակ քննարկվել են համապատասխան զեկույցներ։
Ցածր եկամուտ ունեցող սպառողների լուսատուները ԼԵԴ լամպերով փոխարինելու արշավ։
Գյումրիի համայնքապետարան․
- Համայնքապատկան հիմնարկների և քաղաքի փողոցային լուսավորության գրեթե 80% փոխարինվել է LED լուսատուներով։
Բնակելի շենքերի ջերմային արդիականացման պետություն- մասնավոր գործընկերության (ՊՄԳ) ծրագիր։
Գյումրիի համայնքապետարան․
- Անի և Մուշ թաղամասերում սուբվենցիոն ծրագրի շրջանակներում իրականացվել է 3 բնակելի շենքերի ջերմամեկսուսացման գործընթաց, ևս 3-ը նախատեսվում է ջերմամեկուսացնել 2025թ․-ին։ Գործընթացի իրականացման արդյունքների գնահատումից հետո այն կարող է ներդրվել ողջ Անի թաղամասում, որտեղ բնակելի շենքերի ֆոնդը կառուցված է մոնոլիտ բետոնից։
Համայնքային Էներգետիկ տեղեկատվական համակարգ և Էներգակառավարում։
Գյումրիի համայնքապետարան․
- Պաշտոնապես դեռևս ստեղծված չէ, սակայն արվում են ակտիվ քայլեր այդ ուղղությամբ։ 2024թ․-ին նախատեսվում է բացել համայնքապետարանի էներգակառավարման բաժին, ինչի առթիվ արդեն դիմել ենք ՀՀ կառավարությանը։
Էներգախնայողության կատարողականի պայմանագրերի (ԷԿՊ) և էներգետիկ ծառայություններ մատուցող ընկերությունների (ԷԾՄԸ) հետ պայմանագրերի կնքում։
Գյումրիի համայնքապետարան․
- 2023թ․-ին ՀԷՑ ընկերության հետ կնքվել է համայնքում արտադրված այլընտրանքային (արևային) էներգիայի ավելցուկների համակարգված տեղափոխության մասին համաձայնագիր։
Հանրային շենքերի ջերմային արդիականացման ծրագիր։
Հանրային գնումներում էներգաարդյունավետ ապրանքների և ծառայությունների ձեռքբերման հայեցակարգային փաստաթղթի մշակում։
Գյումրիի համայնքապետարան․
- Նման փաստաթղթեր մշակվել են լուսատուների ձեռքբերման նպատակով։
«Կանաչ» շենքերի խրախուսում
Քաղաքի փողոցային լուսավորության էներգաարդյունավետ արդիականացում
Գյումրիի համայնքապետարան․
- «Գյումրու քաղաքային խանապարհներ» շրագրի շրջանակներում տեղադրվել են սմարթ տեսակի լուսավորության համակարգի կառավարման վահանակներ՝ հագեցված հեռակառավարման և դիմմինգի (մգեցման) համակարգերով։ Նմանատիպ համակարգ շուրջ 1300 LED տեղադրմամբ նախատեսվում է գործարկել Անի և Ավստրիական թաղամասերում։ Տեղադրվել են 2000 նոր LED լուսատուներ սուբվենցիոն և 300՝ համայնքի մկջոցների հաշվին։
- Վերականգնվող էներգիայի միջին և խոշոր համակարգերի (ՎԷՀ) ներդրում
Գյումրիի համայնքապետարան․
- 2022թ․-ին սուբվենցիոն ծրագրով տեղադրվել է 1․8 մվտ դրվածքային հզորությամբ ֆոտովոլտային կայաններ թվով 52 համայնքապատկան հիմնարկների վրա, որոնց արտադրած էներգիան օգտագործվում է ՀՈԱԿ-ների և քաղաքի արտաքին լուսավորության ցանցի սնուցման համար, արդյունքում զգալիորեն նվազեցնելով ջերմոցային գազերի արտանետման ծավալները մթնոլորտ։ Մշակվում են ավելի շատ ֆոտովոլտային կայանների տեղադրման ծրագրեր։ Վերականգնվող էներգիայի մասին նախագիծ է մշակվել, հաստատվել ավագանու կողմից և իրագործվում է USAID-ի հետ համատեղ։
ԿՈՇՏ ԿԵՆՑԱՂԱՅԻՆ ԹԱՓՈՆՆԵՐ
Ապօրինի բաց աղբավայրերի վերացում և աղտոտված տարածքների վերականգնում, գործող աղբավայրի պատշաճ կառավարում։
Գյումրիի համայնքապետարան․
- Քաղաքում ապօրինի բաց աղբավայրեր չկան։ Քաղաքային աղբավայրում պարբերաբար կատարվում են հողահարթեցման աշխատանքներ, արդյունքում նվազեցնելով CO2-ի արտանետումը։ Աղբավայրը գտնվում է բնակելի տարածքներին շատ մոտ, մինչդեռ տարածքի մաքրությունն ապահովելն անընդհատ իրականացվող գործընթաց է, սակայն աղբավայրը փակման ենթակա է, հարցը դիտարկման առարկա է ՀՀ կառավարության համար։ Սակայն միջոցներ չկան նոր աղբավայրի ստեղծման համար։
Թափոնների հավաքման և դրանց գործող վճարային համակարգերի վերանայում ու վերամշակելի նյութերի հավաքման առանձին համակարգի գործարկում։
Գյումրիի համայնքապետարան․
- «ԿԿԿ դաշինք» ծրագրի շրջանակներում նախատեսվում է պլաստիկի առանձին հավաքման և դրա վերամշակման արդյունքում սալիկների արտադրության հոսքագծի գործարկում։ Տեղադրված են պլաստիկի հավաքման առանձին աղբարկղեր։
Քաղաքային կոշտ թափոնների հեռացման և վերամշակման նոր ենթակառուցվածքի հիմնում։
Գյումրիի համայնքապետարան․
- Քննարկվում է նոր աղբավայրի կառուցումը։
Իրականացնել թափոնների կառավարման իրազեկման պարբերական արշավները։
Գյումրիի համայնքապետարան․
- Իրազեկում զանգվածային լրատվության միջոցով, համայնքի և «ԿԿԿ դաշինք» ծրագրի կողմից։
ՋՐԱՅԻՆ ՌԵՍՈՒՐՍՆԵՐ
Գյումրու ջրամատակարարման ցանցի ենթակառուցվածքի և ակտիվների համար գույքագրման և ԱՏՀ-ի (GIS) նախապատրաստում։
Գյումրիի համայնքապետարան․
- Գույքագրումն իրականացվում է «Վեոլիս Ջուր» ՓԲԸ-ի կողմից։
Ջրամատակարարման և ջրի պահանջարկի վերաբերյալ բարելավված տվյալներ և վերլուծություն
Արտահոսքի նվազեցման գործողությունների ծրագրի (ԱՆԳԾ) մշակում
Գյումրիի համայնքապետարան․
- «Վեոլիա Ջուր» ՓԲԸ-ի կողմից իրականացվել և իրականացվում է ջրամատակարարման ցանցի արդիականացում, ինչի արդյունքում զագլիորեն նվազել է ջրի արտահոսքը։
ԱՆԳԾ իրականացման համար իրավական և ֆինանսական մեխանիզմների մշակում։
Մատակարարման համակարգի՝ արտահոսքի ամենաբարձր մակարդակ ունեցող մասերի նորոգում և վերականգնում։
Գյումրիի համայնքապետարան․
- Համայնքի վերահսկողության ներքո, «Վեոլիա ջրի» կողմից քաղաքի մի շարք թաղամասերում ջրամատակարարման ցանցը նորացվել է։
Պատրաստել գույքագրում և ԱՏՀ (GIS) կեղտաջրերի ենթակառուցվածքի համար։
Կեղտաջրերի վերաբերյալ գործողությունների ծրագրի և մրցութային փաստաթղթերի կազմում ենթակառուցվածքի առաջարկվող արդիականացման համար։
Գյումրիի համայնքապետարան․
- Իրականացվում է պետական մակարդակով։
Ջրհեռ համակարգերի վերականգնում և ընդլայնում
Գյումրիի համայնքապետարան․
- Բոլոր նորոգվող փողոցներում կառուցվում կամ նորոգվում է ջրահեռացման համակարգը։
Կեղտաջրերի մաքրման համակարգի վերականգնում և ընդլայնում։
Գյումրիի համայնքապետարան․
- Քննարկվում է Գյումրի գետակի կողտաջրերից մաքրման նախագիծ ՈՒրբան Ինստիտուտի հետ։ Իրականացվում է պետական մակարդակով։
Կանաչ տարածքներում հանրային օգտագործման ջրի ենթակառուցվածքի արդիականացում։
Գյումրիի համայնքապետարան․
- Քաղաքի տարբեր թաղամասերում իրականացվել է ոռոգման համակարգի և հանրային օգտագործման ջրի եթակառուցվածքի արդիականացում։ Նախատեսվում է արտեզյան ջրերի օգտագործումը ոռոգման ցանցում։
ՀՈՂՕԳՏԱԳՈՐԾՄԱՆ ԳՈՐԾՈՂՈՒԹՅՈՒՆՆԵՐ
Մշակել կայուն քաղաքային պլանավորման չափանիշներ Գյումրի քաղաքի համար և մշակել նորացված գլխավոր հատակագիծ և գոտևորման կանոնակարգեր»
Գյումրիի համայնքապետարան․
- Մշակված է, ընթացքի մեջ, թարմացվում է։
Մշակել ԱՏՀ-ի վրա հիմնված հողօգտագործման տվյալների բազա և քաղաքի տեղեկատվական մոդել (ՔՏՄ) Գյումրու համար։
Գյումրիի համայնքապետարան․
- Նախատեսվում է հիմնել ԱՏՀ (GIS) համակարգ «ԿԿԿ դաշինք» ծրագրի շրջանակներում, քննարկման փուլում է այս առնչությամբ բարձրացված հարցը։
Ստեղծել նպատակային քաղաքային պլանավորման ուղեցույց և գործիքներ։
Գործարկել քաղաքային պլանավորումը և շինարարական կանոնակարգերը
Գյումրիի համայնքապետարան․
- Գործարկվում են։
Քաղաքային պլանավորում և կայուն զարգացում, հանրային հատվածի ներուժի ստեղծում։
Հանրային զբոսայգիների և կանաչ տարածքների կառավարման ռազմավարություն։
Գյումրիի համայնքապետարան․
- Պարբերական քննարկումների փուլում, դիտարկվում են դրա մշակման և գործադրման ասպեկտներ։
 New Folder New File (image, pdf, etc...): No file chosen Overwrite)
Կանաչ ենթակառուցվածքի, զբոսայգիների և բաց տարածքների ապահովում։
Գյումրիի համայնքապետարան․
- Իրականացվում է թե՛ համայնքի և թե՛ բազմազան կազմակերպությունների միջոցների հաշվին։ Հիմնվել և հիմնվում են անտառաշերտեր և զբոսայգիներ։
ՄԻՋՈԼՈՐՏԱՅԻՆ ԳՈՐԾՈՂՈՒԹՅՈՒՆՆԵՐ
Մշակել համայնքի օդի որակի վերահսկման համակարգ։
Իրականացնել կլիմայի ռիսկի գնահատում ջրի, տրանսպորտի, կոշտ թափոնների և շինարարության, էներգիայի և լուսավորության ոլորտների ենթակառուցվածքների համար։
Նախապատրաստել կլիմայի նկատմամբ Գյումրու ենթակառուցվածքի դիմակայության բարձրացման գործողությունների ծրագիր։
Գյումրիի համայնքապետարան․
- Մշակվել է նախագիծ, հաստատվել համայնքի ավագանու կողմից, որով նախատեսվում է մինչև 2030թ-ը էականորեն նվազեցնել CO2-ի արտանետումը։
ՏՐԱՆՍՊՈՐՏ
Նոր հանրային տրանսպորտի ցանցի օպերատորի մոդել, ավտոբուսային հավաքակազմի արդիականացում և միասնական սակագնային ու տոմսայի համակարգ։
Գյումրիի համայնքապետարան․
- Հավաքակազմն արդիկանացվել է 89 նոր միկրոավտոբուսներով։ Եվրոմիության միջոցներով իրականացվող «ԿԿԿ դաշինք» ծրագրի շրջանակներում ընթացքի մեջ է միասնական տոմսային համակարգի ներդրումը։
Ավտոբուսային կանգառների ենթակառուցվածքի արդիականացում, այդ թվում՝ իրական ժամանակում ուղևորներին տրամադրվող տեղեկատվության (ԻԺՈւՏ) (RTPI) համակարգի ներդրմամբ։
Գյումրիի համայնքապետարան․
- Տեղադրվել է 57 նոր սմարթ կանգառ՝ հագեցված ֆոտովոլտային պանելներով, որոնք ապահովում են կանգառների լուսավորությունը և դրանցում տեղադրված էլ․ սարքերի լիցքավորման վարդակների սնուցումը։ ԻԺՈՒՏ համակարգի ներդրումն ընթացքի մեջ է։
Նոր հեծանվային ուղիների և հեծանվային կայանատեղի ենթակառուցվածք։
Գյումրիի համայնքապետարան․
- Նախատեսվում է քաղաքում զարգացնել հեծանվային վազքուղիների ցանցը, կկառուցվեն հեծանվային վազքուղիներ: Գործարանային փողոցով մինչև Մուշ թաղամաս, Մինաս Ավետիսյանի երկայնքով միանալով և շարունակվելով թիվ 15 փողոցի երկայնքով և Բարեկամության այգու մոտ։ Նախատեսվում է «Գյումրու քաղաքային ճանապարհներ» ծրագրով նախատեսվող Անի թաղամասի հիմնանորոգման ընթացքում կառուցել հեծանվային հրապարակ։
Հետիոտնի համար նախատեսված ճանապարհային կողմնորոշիչ նշանների համաքաղաքային ցանց։
Գյումրիի համայնքապետարան․
- Քաղաքի բոլոր ասֆալտապատ փողոցները մշտապես վերահսկվում և կահավորվում են ճանապարհային երթևեկության անհրաժեշտ նշաններով։
Քայլելուն և հեծանվավազքին նվիրված գովազդային արշավներ։
Գյումրիի համայնքապետարան․
-Այլընտրանքային տրանսպորտի կիրառման հանրայնացման հետ կապված քննարկումներ։
Կայուն քաղաքային շարժունակության ծրագիր (ԿՔՇԾ) Գյումրու համար
Գյումրիի համայնքապետարան․
- Նախատեսվում է առաջիկայում պատվիրել և ձեռք բերել «Գյումրու քաղաքային ճանապարհներ» ծրագրի բաղադրիչ հանդիսացող «Գյումրի քաղաքի շարժականության ակտիվների կառավարման և բարելավման պլան»-ը, դրա իրագործման ապահովման նպատակով ներդրվող ծրագրաշարային գործիքով։
Տվյալների հավաքագրման համաքաղաքային ծրագիր և տրանսպորտային մոդել։
Գյումրիի համայնքապետարան․
- «Գյումրու քաղաքային ճանապարհներ» ծրագրի բաղադրիչ հանդիսացող «Գյումրի քաղաքի շարժականության ակտիվների կառավարման և բարելավման պլան»-ի գործադրմամբ։ Տվյալների հավաքագրում իրականացվում է նաև վիճակագրական վարչության կողմից։
Հանրային ավտոբուսների հանրակազմի արդիականացում՝ արտանետումների նվազեցված մակարդակով տրանսպորտային միջոցների համալրմամբ
Գյումրիի համայնքապետարան․
- «ԿԿԿ դաշինք» ծրագրի շրջանակներում ձեռք կբերվեն և հանրային տրասպորտի ցանցում կշահագործվեն թվով 5 էլ․ ավտոբուսներ։ Քննարկումների փուլում է նաև ՎԶԵԲ միջոցներով 50 էլ․ ավտոբուսների ձեռքբերման ծրագիրը։
Հուլիս 01, 2024 at 15:30