WWW.ECOLUR.ORG ԷԿՈԼՈԳԻԱԿԱՆ ՏԵՂԵԿԱՏՎԱԿԱՆ ԿԱՅՔԸ ԷԼԵԿՏՐՈՆԱՅԻՆ ԲՈՎԱՆԴԱԿՈՒԹՅԱՆ ՀԱՄԱՀԱՅԿԱԿԱՆ 3-ՐԴ ՄՐՑՈՒՅԹՈՒՄ ՍՏԱՑԱՎ ԱՌԱՋԻՆ ԿԱՐԳԻ ՄՐՑԱՆԱԿ

WWW.ECOLUR.ORG ԷԿՈԼՈԳԻԱԿԱՆ ՏԵՂԵԿԱՏՎԱԿԱՆ ԿԱՅՔԸ ԷԼԵԿՏՐՈՆԱՅԻՆ ԲՈՎԱՆԴԱԿՈՒԹՅԱՆ ՀԱՄԱՀԱՅԿԱԿԱՆ 3-ՐԴ ՄՐՑՈՒՅԹՈՒՄ ՍՏԱՑԱՎ ԱՌԱՋԻՆ ԿԱՐԳԻ ՄՐՑԱՆԱԿ

«ԷկոԼուր»

www.ecolur.org տեղեկատվական կայքը դարձավ  էլեկտրոնային բովանդակության համահայկական 3-րդ մրցույթի մրցանակակիր`ստանալով առաջին կարգի մրցանակ: Մրցույթը կազմակերպվել էր Հայաստանի Տեղեկատվական տեխնոլոգիաների հիմնադրամի եվ Էլեկտրոնային բովանդակության հայկական ասոցիացիայի  կողմից՝ ՀՀ Վարչապետի բարձր հովանու ներքո, ՀՀ Էկոնոմիկայի նախարարության աջակցությամբ: Մրցույթին մասնակցել էին 377 նախագծեր, որոնցից 8-ը ստացան գլխավոր մրցանակ, 8-ը՝ առաջին կարգի մրցանակ:

www.ecolur.org տեղեկատվական կայքը պրոֆեսիոնալ տեղեկատվական դաշտ է՝ ժամանակակից տեխնիկական սպասարկման ապահովմամբ, որտեղ շահագրգիռ բոլոր կողմերը հնարավորություն ունեն փոխանակելու էկոլոգիական տեղեկատվություն:

www.ecolur.org կայքում լուսաբանվում են Հայաստանի էկոլոգիական անվտանգության հարցերը, անցկացվում են տեղեկատվական կամպանիաներ՝ «S.O.S.՝ էկոլոգիական ահազանգ»: Էկոլոգիական «թեժ» կետերն ուրույն դոսյե են հիշեցնում, որտեղ ներկայացված են տեղեկատվական նյութեր, ֆոտոռեպորտաժներ, պաշտոնական կառույցների կողմից վարվող էկոլոգիական քաղաքականություն, անկախ փորձագիտական գնահատականներ, օրենսդրություն:

Ներկայումս ուշադրության կենտրոնում են «Սեվան», «Լեռնահանքային արդյունաբերություն», «Հատուկ պահպանվող տարածքներ» եվ «Միջուկային էներգետիկա» «թեժ» կետերը:

Հունվար 12, 2009


Առնչվող նյութեր


Կատեգորիա

ավելին
պակաս

Մարզեր