Yerkir.am
Վերջերս բնապահպանների ձեռքն է ընկել մի փաստաթուղթ, որը հաստատում է, որ դեռ մեկ տարի առաջ «Լեռնային հարստություն» ՍՊԸ-ի կողմից մշակված` ոսկու կորզման հարստացուցիչ ֆաբրիկայի նախագիծը փորձաքննություն է անցել, եւ սեփականատերերը նախատեսել են «Հրազդան» արդյունաբերական գոտում ` Հրազդան քաղաքից 5 կմ հեռու, կառուցել ոսկու հարստացուցիչ ֆաբրիկա եւ պոչամբար:
«Երկիր»-ի տեղեկություններով` փաստաթղթին ծանոթանալուց անմիջապես հետո բնապահպան Հակոբ Գաբրիելյանը դիմել է ՍՊԸ-ի տնօրինությանը, որտեղից նրան հայտնել են, թե արդեն 2010 թվականին կառուցվել է ֆաբրիկայի վարչական շենքը, իսկ այս տարի նախատեսված է կառուցել ֆաբրիկայի պոչամբարը:
«Ես անգամ զարմացա, որ փորձաքննությունն արդեն իրականացրել են, բայց հասարակական իրազեկում չի եղել: Իսկ այսօր ֆաբրիկայի շինություններն արդեն կանգուն են»,- ասաց բնապահպանը եւ հավելեց, որ այդ ֆաբրիկայում նախատեսվում է ոսկի կորզել Մեղրաձորի հանքաքարից, ինչն այսօր իրականացվում է Արարատ քաղաքում:
Մայիս 03, 2011 at 11:21