«Հրապարակ»
Մեր թերթի «Թալան՝ Խոսրով Հարությունյանի հովանու տակ» հրապարակման մեջ անդրադարձել էինք Ալավերդուց ոչ հեռու գտնվող եզակի հանքաքարի՝ լալվարիտի ապօրինի պայթյունահանման եւ շրջանցիկ ճանապարհներով Վրաստան ու Ադրբեջան արտահանելու խնդրին: Նյութին արձագանքեց լալվարիտ հանքաքարի խոշոր արդյունահանող «Կարմինառ» ընկերության տնօրեն Կարեն Եսայանը: Նա վստահեցնում էր, որ լալվարիտն ամենեւին էլ յուրօրինակ քար չէ, «տուֆից քիչ է տարբերվում», որ այն պահանջված չէ եւրոպական երկրներում: Ինչ վերաբերում է պայթեցումներին, ապա դրանք արգելված են օրենքով, եւ ինքը գործում է միայն օրենքի շրջանակներում: Մեր հետաքննությունն այս թեմայով կարդացեք հաջորդ համարում:
Հունիս 19, 2009
