Հայաստանում և Արցախում հայտարարված է ռազմական դրություն

Հայաստանում և Արցախում հայտարարված է ռազմական դրություն

ՀՀ կառավարության որոշմամբ Հայաստանի Հանրապետությունում հայտարարվեց ռազմական դրություն և ընդհանուր զորահավաք: Այս մասին ֆեյսբուքյան իր էջում  քիչ առաջ գրառում  կատարեց ՀՀ վարչապետ Նիկոլ Փաշինյանը:

«Սիրելի հայրենակիցներ. 
Հիմա կառավարության որոշմամբ Հայաստանի Հանրապետությունում հայտարարվում է ռազմական դրություն և ընդհանուր զորահավաք: Որոշումը ուժի մեջ կմտնի հրապարակման պահից: 
Զորքերին կցագրված անձնակազմերին կոչ եմ անում ներկայանալ իրենց տարածքային զինկոմիսարիատներ: 
Հանուն հայրենիքի, հանուն հաղթանակի»,- նշված է ՀՀ վարչապետի գրառման մեջ:

Ռազմական դրություն է հայտարարած նաև Արցախում: Այս մասին Արցախի Հանրապետության Ազգային ժողովում հայտարարեց Արցախի նախագահ Արայիկ Հարությունյանը:

Նշենք, որ այսօր վաղ առավոտից Ադրբեժանի զինուժը լայնամասշտաբ մարտական գործողություններ է իրականացնում Արցախա-ադրբեջանական հակամարտ զորքերի շփման գծի ողջ երկայնքով: ՀՀ  պաշտպանության նախարարի մամուլի խոսնակ Շուշան Ստեփանյանի ֆեյսբուքյան գրառման համաձայն՝ Ադրբեջանի զինուժի ձեռնարկած գրոհները պաշտպանության բանակի ստորաբաժանումների կողմից հաջողությամբ հետ են մղվում։ Հակառակորդն ունի կորուստներ։

Սեպտեմբեր 27, 2020 at 13:18


Առնչվող նյութեր


Կատեգորիա

ավելին
պակաս

Մարզեր