ՀՀ Բնապահպանության և ընդերքի տեսչական մարմինը «Ամբերդ ՀԷԿ» ՍՊԸ-ում իրականացված ստուգման արդյունքում արձանագրած խախտումներով ընկերությանը ներկայացրել է 14 միլիոն 259 հազար 226 դրամի վնասի հատուցման պահանջ:
Ինչպես հայտնում է տեսչական մարմինը՝ ընկերությանը պատկանող «Ամբերդ-1», «Ամբերդ-2» և «Ամբերդ-3» ՓՀԷԿ-երը խախտել են տրված ջրօգտագործման թույլտվությամբ սահմանված պարտավորությունները՝ իրականացնելով ջրօգտագործման թույլտվությունից ավելի ջրային ռեսուրսների ջրառ։
ՓՀԷԿ-երում տեղադրված ուլտրաձայնային ջրաչափերը չեն գործել: Վարչական վիճակագրական տարեկան հաշվետվությունները ներկայացվել են սահմանված կարգի խախտմամբ և աղավաղմամբ:
«Ամբերդ ՀԷԿ» ՍՊԸ-ի նկատմամբ նշանակվել են վարչական տուգանքներ՝ ընդհանուր 530 հազար դրամի չափով:
Լուսանկարը՝ Բնապահպանության և ընդերքի տեսչական մարմնի
Դեկտեմբեր 14, 2021 at 15:08