Հայտարարվել է Թեղուտում անտառվերականգնում իրականացնող կազմակերպության ընտրության մրցույթ

ԷկոԼուր-Վալլեքս խմբի ընկերություններ

Թեղուտի հան­քավայրի շահա­գործ­ման նպատակով իրականացվող անտառահատ­ումներով հասցվող վնասի հատուցման ծրագրի շրջանակներում հայտարարվել է մրցույթ: Մրցույթն անցկացվելու է երկու լոտով՝ ՀՀ Լոռու մարզի Արջուտ (լոտ 1) և Օձուն (լոտ 2) համայնքներին պատկանող համապատասխանաբար շուրջ 50 հա և շուրջ 30 հա մակերեսներով հողատարածքների անտառապատման համար կազմակերպություն(ներ) ընտրելու նպատակով: Մրցույթին մասնակցելու պայմանների և այլ մանրամասների վերաբերյալ տեղեկատվություն կարելի է ստանալ ընկերության պաշտոնական կայքից (http://www.teghout.am/am/news/13.htm):

Հիշեցնենք, որ «Թեղուտ» ՓԲԸ-ն մշակել և ՀՀ բնա­պահ­պա­նու­թյան և գյուղա­տնտեսության նախարարությունների հետ համաձայնեցրել է անտառապատման ծրագիր, որով նախատեսվում է անտառապատման աշխատանքների իրականացում Թեղուտի պղինձ-մոլիբդենային հանքավայրի շահագործման հետևանքով հատման ենթակա 357 հա ան­տա­ռի կրկնակի գումարային մակերեսով` 714 հա տարածքներում: Ընդ որում, ընկերու­թյունը պա­տաս­խանատվություն է ստանձնել այդ տարածքներում ոչ միայն բուն ծառատունկի, այլև տնկ­ված ծա­ռերի նկատմամբ խնամքի համար` մինչև այն պահը, երբ հնարավոր կլինի այդ տարածքները տեղափոխել անտառի կատեգորիա:

Անցած ժամանակահատվածում իրականացվել է անտառահատում շուրջ 65 հա գումարային մակե­րեսով տարածքներում: Զուգահեռաբար ծառատունկ և տնկված ծառերի ընթացիկ խնամքի աշխատանքներ են իրականացվել ՀՀ Լոռու մարզի Թեղուտ, Շնող և Լեռնահովիտ համայնքների վար­չական սահմաններում գտնվող շուրջ 140 հա գումարային մակերեսով տարածքներում:

Ընկերության նախաձեռնությամբ և միջոցներով ծառատունկեր իրականացվել են նաև հասա­րա­կական կարգով՝ շուրջ 8 հա գումարային մակերեսով տարածքներում:

Հուլիս 25, 2011 at 14:20