ՀՀ Արագածոտնի մարզի Ապարան խոշորացված համայնքի Նիգավան գյուղ տանող ճանապարհին ապօրինի աղբավայր է գոյացել: Այս մասին ԷկոԼուրին ահազանգել են գյուղի բնակիչները:
«Աղբավայրը գտնվում է Քասախ գետից հաշված մետրեր հեռու», - նշել են բնակիչները՝ պահանջելով պատկան մարմիններից քայլեր ձեռնարկել արգելելու կանաչ գոտում աղբ թափելը:
ԷկոԼուրն ահազանգն ուղղում է պատկան մարմիններին՝ Ապարանի համայնքապետարան, Տարածքային կառավարման և ենթակառուցվածքների նախարարություն, պարզելու չարտոնագրված աղբավայրի գոյացման պատճառները, մաքրելու կանաչ տարածքը կուտակված աղբից և համապատասխան գործողություններ իրականացնելու՝ բացառելու հետագայում նման երևույթի կրկնությունը:
Օգոստոս 16, 2023 at 12:10