Երևանի Թռչնի շուկայում վաճառվում են Կարմիր գրքում գրանցված թռչուններ

ԱրմԻնֆո

Չնայած բնապահպանների բողոքներին, Երևանի Թռչնի շուկայում վաճառվում են Կարմիր գրքում գրանցված թռչուններ:

«Այդ շուկան պետք է փակվի, կամ այնտեղ պետք է վաճառվեն միայն դեկորատիվ թռչուններ: Իսկ վաճռվում է ամեն ինչ: Ընդ որում, ոչ մի վերահսկողություն չկա»,-ԱրմԻնֆո գործակալության թղթակցի հետ զրույցում նշել է «Թռչնասերների Կենտրոն» ՀԿ-ի ղեկավար Սիլվա Ադամյանը: Չնայած ՀՀ բնապահպանության նախարարությանն ուղղված դիմումներին, պրոբլեմը լուծելու ուղղությամբ բնապահպանների ձեռնարկած փորձերն անցան ապարդյուն: «Միգուցե հարկավոր է ստեղծել հասարակական դրուժինաներ, որոնք կհետևեին այդ ամենին»,-նշել է Ադամյանը:

Ի դեպ, Թռչնի շուկան Կարմիր գրքում գրանցված թեչունների համար սպառնալիքի բոլորովին էլ միակ վայրը չէ: Փորձագետը նշել է, որ Հայաստանում գոյություն ունի նաև Հայաստանից հազվագյուտ տեսակների արտահանման պրոբլեմը: Ըստ Ադամյանի, հաճախ այդ մասին տեղեկություններ են ստացվում արտասահմանյան քաղաքացիներից: Հազվագյուտ թռչունների որսորդներին առաջին հերթին գրավում է Կարմիր գրքում գրանցված տեսակների բարձր գները: Այսպես, արտասահմանում մեկ սափսանի գինը հասնում է 50 հազ.եվրոյի:

Մարտ 28, 2012 at 13:39