ԷկոԼուր
Թեղուտի նախագծի իրագործման սկզբից ի վեր` երեք տարվա ընթացքում, «Vallex Group» ընկերությունը` ի դեմս «ACP» ՓԲԸ-ի եւ «Թեղուտ» ՓԲԸ-ի, շրջակա միջավայրի պահպանության դրամագլխին կատարել է 11 միլիոն 985 հազար 200 դրամի չափով հատկացում (մոտ 32,4 հազար դոլլար): Այս մասին «ԷկոԼուր»-ին հայտնեց ընկերության ներկայացուցիչ Վահրամ Ավագյանը ի պատասխան «ԷկոԼուր»-ի հայտարարության, որ թեպետ ընկերությունը պաշտոնապես հայտարարել է բնապահպանական քաղաքականության մասին եւ նշում է, որ Թեղուտի նախագծին հատկացված տարածքը կվերականգնվի, բայց դրա համար գումար չի առանձնացնում:
Հայտարարությունը հնչեց մարտի 25-ին` ռադիո «Վան»-ի «Five o’clock» ռադիոհաղորդման բանավեճի ժամանակ: Հաղորդագրության մեջ Վահրամ Ավագյանը նշում է, որ բնապահպանական վճարումները կատարվում են ՀՀ գործող օրենսդրությանը համապատասխան: Ստորեւ ներկայացնում ենք հաղորդագրության տեքստը:
Հայաստանի Հանրապետության Լոռու մարզի Թեղուտի պղինձ-մոլիբդենային հանքավայրի շահագործման ծրագրի իրականացման շրջանակներում լիցենզառուի կողմից շրջակա միջավայրի պահպանության դրամագլխին իրականացվելիք հատկացումների տեսակները, ինչպես նաև համապատասխան հատկացումների իրականացման կարգն ու ժամկետները սահմանված են «Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքով (այսուհետ՝ Օրենք) և Հայաստանի Հանրապետության կառավարության 14.08.2003 թ. «Շրջակա միջավայրի պահպանության դրամագլխի օգտագործման և հատկացումների չափերի որոշման կարգը հաստատելու մասին» № 1128-Ն որոշմամբ հաստատված համանուն կարգով (այսուհետ՝ Կարգ)։ Կարգով է սահմանված նաև շրջակա միջավայրի պահպանության դրամագլխին իրականացվելիք հատկացումների չափի հաշվարկման բանաձևը, որի հիման վրա էլ հաշվարկվել և Լիազոր մարմնի (Հայաստանի Հանրապետության առևտրի և տնտեսական զարգացման նախարարություն) ու լիցենզառուի միջև 08.10.2007 թ. կնքված Հանքարդյունահանման նպատակով ընդերքօգտագործման № 316 լիցենզային պայմանագրում (այսուհետ՝ Լիցենզային պայմանագիր) ամրագրվել են լիցենզառուի կողմից իրականացվելիք ինչպես նախնական, այնպես էլ ընթացիկ հատկացումների չափերը։
Միաժամանակ հայտնում ենք, որ Լիցենզային պայմանագրի կնքումից հետո՝ Լիցենզային պայմանագրով սահմանված կարգով ու ժամկետներում շրջակա միջավայրի պահպանության դրամագլխին լիցենզառուի կողմից կատարվել են հետևյալ հատկացումները՝
|
№ |
հատկացման |
կատարողը |
||
|
օրը |
տեսակը |
գումարի չափը (դրամ) |
||
|
1. |
24.12.2007 թ. |
Նախնական |
3.126.200 (երեք միլիոն հարյուր քսանվեց հազար երկու հարյուր) |
«Արմենիան Քափըր Փրոգրամ» ՓԲԸ |
|
2. |
30.12.2008 թ. |
Ընթացիկ |
2.953.000 (երկու միլիոն ինը հարյուր հիսուներեք հազար) |
«Թեղուտ» ՓԲԸ |
|
3. |
27.01.2010 թ. |
Ընթացիկ |
2.953.000 (երկու միլիոն ինը հարյուր հիսուներեք հազար) |
«Թեղուտ» ՓԲԸ |
|
4. |
18.01.2011 թ. |
Ընթացիկ |
2.953.000 (երկու միլիոն ինը հարյուր հիսուներեք հազար) |
«Թեղուտ» ՓԲԸ |
Մայիս 03, 2011 at 13:02