Կանադայի դատարանում Լիդիանի հետ կապված վերջին զարգացումները

Հայկական բնապահպանական ճակատ

Հայտնում ենք, որ 2019թ․ դեկտեմբերից «Լիդիան Ինթերնեյշնլ» ընկերությունը սնանկությունից պաշտպանվելու գործընթաց էր սկսել Կանադայի առևտրային դատարանում։ 2020թ. մայիսի 4-ին դատարանը հանել է սնանկությունից պաշտպանող արգելանքն ու թույլ տվել, որ ընկերության պարտատերերից շվեդական ՍԷԿ-ը՝ պետական արտահանումների վարկավորման գործակալությունը կամ դրա ֆինանսական գործակալ ING բանկն, ինչպես նաև բրիտանական «Կատերպիլարի Ֆինանսական ծառայություններ» ընկերությունն օգտվեն «Լիդիանի» հետ կնքված իրենց համաձայնագրով լիազորված իրավունքից և ստիպեն ընկերությանը պարտավորությունների կատարում՝ ինչը նշանակում է տրված գույքի կամ դրան համարժեք ակտիվների վերադարձ։ Այդպիսի գործընթաց հնարավոր է լինում սնանկության ժամանակ։

Տեղեկացնենք նաև, որ Լիդիան Ինթերնեյշնլը հունիսի 1-ին տարածել է հաղորդագրություն, որ այլևս անկարող է հրապարակել ֆինանսական հաշվետվություններ, ինչն արժետոմսերին վերաբերող կանադական օրենսդրությունը չկատարելու հայտարարություն է։

Կանադայի դատարանի որոշումները կարող եք գտնել կցված լուսանկարներում:

Հունիս 12, 2020 at 17:05